សម្ភាសធុរៈជនល្បីៗ

នៅពេលនិយាយដល់ឈ្មោះ លី យ៉ុងផាត់ មានមនុស្សជាច្រើនណាស់ បានស្គាល់យ៉ាងច្បាស់ថា ជាឈ្មោះមហាសេដ្ឋីជើងចាស់មួយរូបនៅកម្ពុជា ដែលមានឥទ្ធិពលក្ដោបក្ដាប់លើមុខជំនួញធំៗនៅក្នុងវិស័យផ្សេងៗគ្នាមិនតិចជាង ២០ នោះឡើយ។ តើកំពូលមហាសេដ្ឋី អ្នកឧកញ៉ា លី យ៉ុងផាត់ មានការគិតបែបណា ក្នុងការសម្រេចចិត្ត ពិសេសលើការវិនិយោគរាប់ពាន់លានដុល្លារនៅកម្ពុជា? នេះ គឺជាសំណួរ មួយ ដែលមនុស្សជាច្រើនពិតជាចង់ដឹង។ ដើម្បីស្រាយចម្ងល់នេះ ខេមបូណូមីស សូមលើកយកនូវទស្សនៈជំនួញ សំខាន់ៗមួយចំនួន របស់អ្នកឧកញ៉ា លី យ៉ុងផាត់ មកចែកជូនលោកអ្នកបានស្វែងយល់។