អ្នកទាំងវិជ្ជមាន កូវីដ-១៩ ទាំង២៤នាក់ដែលត្រូវបានរកឃើញថ្មីនេះ ភាគច្រើនជាជនជាតិចិន
និងវៀតណាមខណៈជនជាតិខ្មែរចំនួន៤នាក់។
តួលេខរបស់ក្រសួងសុខាភិបាលគិតត្រឹមថ្ងៃទី ០២ ខែមីនាចំនួនអ្នកឆ្លងក្នុងព្រឹត្តិការណ៍សហគមន៍២០កុម្ភៈ
បានកើនឡើងដល់ចំនួន៣៤០នាក់ហើយ ខណៈដែលចំនួនអ្នកឆ្លងសរុបនៅកម្ពុជាមានចំនួន៨៤៤នាក់។
អ្នកជាសះស្បើយសរុបមានចំនួន៤៧៨នាក់ និងមិនមានអ្នកស្លាប់បាត់បង់ជីវិតនោះទេ។
គិតមកទល់ព្រឹកថ្ងៃទី ០២ ខែមីនានេះ ទីតាំងជាង១០០កន្លែងដែលជាប់ពាក់ព័ន្ធនឹងព្រឹត្តិការណ៦សហគមន៍២០កុម្ភៈ ត្រូវបានបិទ ក្នុងនោះ នៅរាជធានីភ្នំពេញមានជាង៧០កន្លែង និងនៅខេត្តព្រះសីហនុមានប្រមាណ៣០កន្លែងផងដែរ។
អត្ថបទទាក់ទង!
មន្ត្រីជាន់ខ្ពស់ក្រសួងសុខាភិបាលបានអះអាងថាព្រឹត្តិការណ៍ឆ្លងក្នុងសហគមន៍លើកទី ៣នេះ គឺជាការឆ្លងធ្ងន់ធ្ងរមួយមិនធ្លាប់មានឡើយសម្រាប់កម្ពុជានិងបានអំពាវនាវឲ្យប្រជាពលរដ្ឋទាំងអស់មានការប្រុងប្រយ័ត្នខ្ពស់បើមិនចាំបាច់កុំចេញពីផ្ទះ ហើយត្រូវបន្ដធ្វើអនាម័យ គោរពតាមវិធានការរបស់ក្រសួងសុខាភិបាល ដែលបានដាក់ចេញ ពោលគឺត្រូវពាក់ម៉ាស់ ឡាងដៃញឹកញាប់ និងរក្សាគម្លាតសុវត្ថិភាព។ ហើយកុំទៅកន្លែងមានមនុស្សច្រើនកកកុញ, កុំទៅកន្លែងបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក និងកុំប៉ះពាល់គ្នា ចាប់ដៃ កៀកស្មា ឱបគ្នា នៅពេលជួបគ្នា៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
