អេស៊ីលីដា ចំណេញជាង ១៤១លានដុល្លារនៅឆ្នាំ ២០២០ ទោះបីមានកូវីដ-១៩ តាមរំខាន

ក្នុងនោះដែរ សម្រាប់តែត្រីមាសទី ៤ ដែលជា​ត្រីមាសចុងក្រោយ​នៃឆ្នាំ២០២០ ធៀបនឹង​ត្រីមាសទី៤ នៃឆ្នាំ២០១៩ ធនាគារអេស៊ីលីដា​សម្រេចបាន​ប្រាក់ចំណេញ​សុទ្ធ​ដល់ទៅ ជាង ២៣% ជាមួយនឹង​ទឹកប្រាក់​ប្រមាណ ជាង៤៣លាន​ដុលារ។

បើតាម​របាយការណ៍ ប្រាក់ចំណូល​មិនទាន់បង់ពន្ធ​របស់អេស៊ីលីដា នៅឆ្នាំ ២០២០ មានដល់ទៅ ១៨០ លាន​ដុល្លារ ខណៈដែលទ្រព្យសកម្ម​សរុប​មានដល់ទៅជាង​៦ពាន់៥រយ​លាន​ដុល្លារអាមេរិក កើនខ្ពស់ជាង​ពីឆ្នាំ​២០១៩​ដល់ទៅប្រមាណ​ជិត ៤០០ លាន​ដុល្លារ។

ឥណទាន​ដែលអេស៊ីលីដា​បាន​ផ្ដល់ជូន​អតិថិជន​ក៏មាន​កំណើនដែរ ដោយ​ឆ្នាំ២០២០ មានដល់ទៅជាង ៤ពាន់៥រយ​លាន​ដុល្លារ កើនជាង ១៦% ធៀបនឹង​ឆ្នាំ២០១៩។ រីឯ ឥណទានមិនដំណើរការវិញ មាន​ប្រមាណ ២,៤% នៅក្នុងឆ្នាំ២០២០។ ប្រាក់បញ្ញើអតិថិជន​មានប្រមាណ ៤ពាន់​៣រយលាន​ដុល្លារ កើនជិត​៣រយលាន​ដុល្លារ៕