នៅក្នុងរបាយការណ៍ដដែលបានបញ្ជាក់ថា ការនាំចេញកង់របស់កម្ពុជា បានជាប់ចំណាត់ថ្នាក់លេខ១ ក្នុងតំបន់អាស៊ាន និងចំណាក់ថ្នាក់លេខ៥ នៅក្នុងពិភពលោក ក្នុងចំណោមប្រទេសមានការនាំចេញកង់ច្រើនជាងគេ។ ជាមួយគ្នានេះដែរ កម្ពុជាក៏មានរោងចក្រធំៗ ចំនួន៥ ដែលកំពុងដំណើរការដំឡើងកង់។
បើទោះបីជាកម្ពុជា មានការនាំចេញកង់ច្រើនជាងគេ នៅអាស៊ានក៏ពិតមែន តែកម្ពុជា ក៏បាននាំចូលកង់ម៉ាកល្បីជាច្រើនមកពីប្រទេសផ្សេងៗទៀតដែរ រួមមាន ជប៉ុន ចិន តៃវ៉ាន់ វៀតណាម ថៃ អាមេរិក អូស្រ្តាលី និងបារាំងជាដើម ដោយការនាំចូលកង់នៅឆ្នាំ ២០២០ មានក្នុងទំហំទឹកប្រាក់ជាង ៨លានដុល្លារ ធ្លាក់ចុះជិត ២០% ធៀបនឹងឆ្នាំ២០១៩។
អត្ថបទទាក់ទង!
ឯកឧត្តម ស៊ាង ថៃ អ្នកនាំពាក្យក្រសួងពាណិជ្ជកម្ម កត្ដាដែលជំរុញ ឲ្យអ្នកវិនិយោគិន មកវិនិយោគក្នុងប្រទេសកម្ពុជា ដោយសារតែស្ថិរភាពនយោបាយ គោលនយោបាយកែទម្រង់មុតស្រួច (ផ្នែកសេដ្ឋកិច្ច) ច្បាប់វិនិយោគមានលក្ខណ:ទូលាយ, ការសន្យាផ្នែកសេវាកម្ម និងវិនិយោគ ក៏មានលក្ខណ:សេរី. គួបផ្សំកត្តាភូមិសាស្ត្រ។ ហើយម្យ៉ាងវិញទៀត កម្ពុជាជាសមាជិកនៃអង្គការពាណិជ្ជកម្មពិភពលោក, អាស៊ាន និងមានកិច្ចព្រមព្រៀងតំបន់ អនុតំបន់ ព្រមទាំងកំពុងចរចាបង្កើតកិច្ចព្រមព្រៀងពាណិជ្ជកម្មសេរីទ្វេភាគីផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
