យោងតាមសេចក្តីប្រកាសព័ត៌មានរបស់ក្រសួងសុខាភិបាលបានឲ្យដឹងទៀតថា ក្នុងចំណោមអ្នកវិជ្ជមានកូវីដ-១៩ទាំង ៦២៤នាក់នោះ សុទ្ធសឹងជាករណីឆ្លងក្នុងសហគមន៍នៃ «ព្រឹត្តិការណ៍សគមន៍២០កុម្ភៈ» និងមាន៤៦៥នាក់ ជាអ្នករស់នៅរាជធានីភ្នំពេញ ក្រៅពីនេះ មាននៅខេត្តព្រះសីហនុ១៤៤នាក់, ពោធិ៍សាត់ ០១នាក់ ,ខេត្តស្វាយរៀង០៣,កំពង់ចាម០១នាក់ និងតាកែវ ១០នាក់។ នៅក្នុងនោះដែរ ក៏មានអ្នកជាសះស្បើយមានចំនួន ៤៨នាក់ ដែលតម្រូវឲ្យចេញពីមន្ទីរពេទ្យ ហើយបន្តធ្វើចត្តាឡីស័កនៅផ្ទះ១៤ថ្ងៃបន្ថែមទៀតដោយខ្លួនឯង។
អ្វីដែលជាការកត់សម្គាល់នោះឃើញថា ករណីឆ្លងថ្មីនៅក្នុងថ្ងៃ១៨មេសានោះ មិនមាននៅក្នុងខេត្តកណ្តាលនោះទេ ហើយនិងមិនមានឃើញការជូនដំណឹងពីករណីស្លាប់នៅឡើយដែរ។ ជាមួយគ្នានេះដែរ រាជរដ្ឋាភិបាលកម្ពុជា បានចេញវិធានការរឹតបន្តឹងការធ្វើដំណើរជាបន្តបន្ទាប់ ដើម្បីធ្វើយ៉ាងណាទប់ស្កាត់ការឆ្លងរីករាលដាលឲ្យបានជាអតិបរមា។
អត្ថបទគួរអាន!
សូមបញ្ជាក់ដែរថា គិតត្រឹមថ្ងៃទី១៩ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន ៧.០១៣នាក់ ក្នុងនោះអ្នកជាសះស្បើយចំនួន ២.៥២៤នាក់, អ្នកកំពុងសម្រាកព្យាបាលជំងឺ ចំនួន ៤.៤៣៩នាក់ និងស្លាប់បាត់បង់ជីវិតចំនួន៤៥នាក់៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
