Advertisement
ប្រេងឥន្ធនៈឡើងថ្លៃ

មិនមែនតែកម្ពុជា ដែលកំពុងរងគ្រោះរឿងប្រេងសាំងឡើងថ្លៃ! វៀតណាម និងថៃ ក៏កំពុងយ៉ាប់យ៉ឺនដែរ!


ការកើនឡើងនូវតម្លៃប្រេងឥន្ធនៈក្នុងទីផ្សារពិភពលោក នៅរយៈពេលចុងក្រោយនេះ មិនត្រឹមតែកម្ពុជាយើងនោះទេ ដែលកំពុងប្រឈមនឹងរឿងប្រេងឥន្ធនៈឡើងថ្លៃនេះ នៅប្រទេសជិតខាងកម្ពុជាឯណោះវិញ ក៏កំពុងភ័យព្រួយណាស់ដែរ ចំពោះរឿងនេះ។ តួយ៉ាង ការឡើងថ្លៃប្រេងឥន្ធនៈ នៅក្នុងប្រទេសវៀតណាម បាននិងកំពុងគំរាមកំហែង ដល់អតិផរណា ក្នុងប្រទេសនេះ ខណៈវៀតណាម ក៏មានផែនការដំឡើងពន្ធបន្ថែម លើប្រេងសាំងផងដែរ។ ទោះយ៉ាងណា បើពិនិត្យលើតម្លៃប្រេងសាំងនៅកម្ពុជា នៅតែខ្ពស់ជាងប្រទេសជិតខាង។
សកម្មភាពចាក់ប្រេងរថយន្ដ (www.moneycrashers.com)
ដោយ
Advertisement

ប្រេងសាំង ដែលមាន​ការនិយម​ប្រើប្រាស់​ច្រើន នៅប្រទេស​វៀត​ណាម បានកើន​ឡើងថ្លៃ រហូតដល់​ជាង ៨% ហើយ បន្ទាប់ពី​មានការ​កើនឡើង​តម្លៃ ៤ដង គិត​ចាប់តាំង​ពីដើម​ឆ្នាំនេះ រៀងមក​ទល់​បច្ចុប្បន្ន ខណៈដែល ក្រុមហ៊ុន ដឹកជញ្ជូន​ជាច្រើន​នៅវៀត​ណាម ក៏បាន​ដំឡើង​​ថ្លៃឈ្នួល​របស់ខ្លួន​ខ្ពស់​ជាង​មុន​ផងដែរ។

តម្លៃប្រេងសាំង​ល្អ ដែលលក់​នៅវៀត​ណាម គិតត្រឹម​ថ្ងៃនេះ បានកើន​ឡើងមក​ដល់​តម្លៃ ប្រមាណ ៣.៨០០រៀល ក្នុងមួយ​លីត្រ ខណៈដែល​កាលពីដើម​ខែមករា​កន្លង​ទៅ មានតម្លៃ​ប្រមាណ​តែ ៣.៥០០ រៀលប៉ុណ្ណោះ ក្នុង១លីត។ រីឯតម្លៃ​ប្រេងឆៅ លក់ក្នុង​ទីផ្សារ​ពិភពលោក គិតត្រឹម​ថ្ងៃ២៧ ឧសភា ម្យិលមិញ​នេះ មាន​តម្លៃ ៧៨ ដុល្លារ ក្នុងមួយ​ប៉ារែល។ 

ម្ចាស់ក្រុមហ៊ុន ដឹកជញ្ជូន​នៅវៀត​ណាម បានអះអាងថា តម្លៃប្រេង​ឥន្ធនៈ​ឡើងថ្លៃ បានធ្វើឲ្យ​ថ្លៃឈ្នួល​សេវាកម្ម​ក៏ឡើង​ថ្លៃដែរ ពោលគឺតម្លៃ​ប្រេងសាំង ដែល​ចំណាយ​លើការ​ដឹកជញ្ជូន​ឡាន​កុងតឺនឺ និងរថយន្ដ​ដឹកទំនិញ​ធុនធ្ងន់ មានប្រមាណ​៤០% នៃប្រាក់​ចំណូល​សរុប ខណៈ​ដែលមធ្យោបាយ​ដឹកជញ្ជូន​ផ្សេងទៀត​ ការចំណាយ​លើប្រេង​ឥន្ធនៈ អាច​មាន​ប្រមាណ ៣០% នៃចំណូល​សរុប។

អ្នកជំនាញ​ផ្នែកសេដ្ឋកិច្ច វៀតណាម អះអាងថា តម្លៃប្រេង​ឥន្ធនៈ​ឡើងថ្លៃ មិនត្រឹម​តែប៉ះពាល់​ដល់វិស័យ​ដឹកជញ្ជូន​ក្នុងស្រុក​ប៉ុណ្ណោះទេ ប៉ុន្ដែ ក៏ធ្វើឲ្យ​មានការ​ប៉ះពាល់​ដល់អ្នក​ប្រើប្រាស់​ទំនិញ​ទូទៅ​ផងដែរ ពោលគឺតម្លៃ​ទំនិញ​លើទីផ្សារ​ក៏ចាប់ផ្ដើម​ឡើងថ្លៃ​ជាងមុន​ដែរ។ 

អ្នកជំនាញ​សេដ្ឋកិច្ច សង្កត់ធ្ងន់ថា ការកើន​ឡើង​តម្លៃប្រេង​ឥន្ធនៈ គួបផ្សំ​នឹងគម្រោង​កំណត់​តំឡើង​ពន្ធបន្ថែម លើប្រេងឥន្ធនៈ ដែលនឹង​ចាប់ផ្ដើមឡើង​នៅកក្កដា​ខាង​មុខនេះ ក៏អាច​នឹងបង្កើន​អត្រា អតិផរណា  ហើយវា​ក៏ធ្វើឲ្យ​ប៉ះពាល់​ដល់វិស័យ​ពាណិជ្ជកម្ម​ក្នុងប្រទេស​វៀតណាម​ផងដែរ។ បើតាមដឹង គម្រោងដំឡើង​ពន្ធ​លើតម្លៃប្រេង​សាំង​ក្នុង​ប្រទេស​វៀតណាម គឺ​នឹងកំណត់​​តម្លៃ​​ពន្ធ​បន្ថែម ៣៣% ពោលគឺ ប្រមាណ​ជិត ៧រយរៀល​ ក្នុង១លីត្រ។  

ជុំវិញរឿង​ប្រេងឥន្ធនៈ​ឡើងថ្លៃនេះ​ដែរ ប្រទេសថៃ ក៏បាន​បញ្ជាក់ដែរ​ថា ខ្លួននឹង​ប្រើប្រាស់​មូលនិធិ​ប្រេងរបស់​ខ្លួន ដើម្បីធ្វើការ​កំណត់​តម្លៃប្រេងម៉ាសូត មិនឲ្យលើស​ពី ៣០បាត ឫស្មើ​នឹងតម្លៃ​ប្រមាណ ៣.៨០០រៀលក្នុង​មួយលីត្រ នោះឡើយ។ ក្រោមផែន​ការដើម្បី​បន្ថយ​ផលប៉ះពាល់​តម្លៃប្រេង​ឥន្ធនៈ មូលនិធិ​ប្រេង​របស់រាជរដ្ឋាភិ​បាល​ថៃ នឹងផ្តល់​ឧបត្ថម្ភធន​ ៥០% នៃតម្លៃ​កើន​ឡើង។ ឧទាហរណ៍ ប្រសិន​បើតម្លៃ​ប្រេង​កើនឡើង ២ បាត​ ប្រាក់កម្ចី​នេះនឹង​មាន​ចំនួន ១ បាត។ គម្រោង​មូលនិធិ​ឧបត្ថម្ភ​ធននេះ មានទុន​សរុបប្រមាណ ១ពាន់​លាន​ដុល្លារ ដែលអាច​ទ្រាំទ្រ​ស្ថានការណ៍​ប្រេងឡើង​ថ្លៃ បានប្រមាណ ១១ខែ។ 

ដោយឡែក បើយើង​ក្រឡេក​មកមើល តម្លៃប្រេង​នៅកម្ពុជា​វិញ គឺនៅតែ​បន្តកើន​ឡើង​ជាបន្ត​បន្ទាប់ មិនទាន់​ឃើញចុះ​វិញនៅ​ឡើយទេ។ បើយោង​តាមសេចក្តី​ជូនដំណឹង​របស់​ក្រសួង​ពាណិជ្ជកម្ម​ ស្តីពី​ថ្លៃលក់​រាយ​ប្រេង​ឥន្ធនៈ សម្រាប់​អនុវត្ត ពីថ្ងៃទី២២​ ខែឧសភា ដល់ ថ្ងៃទី០១ ខែមិថុនា ឆ្នាំ២០១៨ យើងឃើញ​ថា តម្លៃ​ប្រេងសាំង​ធម្មតា​ត្រូវលក់រាយ​ក្នុងតម្លៃ ៤.៣០០ រៀល ក្នុងមួយលីត្រ។ ចំនែកឯ ប្រេងម៉ាស៊ូតវិញ មាន​តម្លៃ​ប្រមាណ ៤.១០០ រៀលក្នុង១លីត្រ ពោល គឺនៅតែ​មាន​តម្លៃខ្ពស់ បើធៀបនឹង​ប្រទេស​ជិតខាង៕ 

© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ទំនប់វារីអគ្គិសនី សេសានក្រោម២ គ្រោងបើកដំណើរការទាំងស្រុងនៅ ខែតុលា ឆ្នាំ២០១៨

ព័ត៌មាន
ទំនប់រារីអគ្គិសនី សេសានក្រោម២ ដែល​ត្រូវ​បានគេ​ដឹងថា មានសមត្ថភាពផលិតថាមពលអគ្គិសនីធំជាងជាងគេបំផុតមួយនៅកម្ពុជានោះ ត្រៀមនឹងបើកដំណើរកា...

តម្រូវការសេវាកម្មបញ្ញើខ្នាតតូច កំពុងតែមានសកម្មភាពលូតលាស់នៅកម្ពុជា

ព័ត៌មាន
ក្នុងរយៈពេលពីរ បីឆ្នាំចុងក្រោយនេះ អាជីវកម្មលើការផ្តល់សេវាកម្មបញ្ញើរទំនិញផ្សេងៗលក្ខណៈខ្នាតតូច កំពុងតែមានសកម្មភាពរីកលូតលាស់យ៉ាងខ្លាំង។ ក...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ