ឯកឧត្តម វ៉ា រុតសាន ប្រធានក្រុមទីប្រឹក្សាក្រសួងពាណិជ្ជកម្ម និង ជាមន្ត្រីជំនាញរៀបចំគោលនយោបាយស្វាយចន្ទីជាតិកម្ពុជា បានប្រាប់ឲ្យដឹងថា «នឹងមានកិច្ចប្រជុំពិភាក្សាមួយរវាងអ្នកជំនាញ និងអង្គការ ៤ផ្សេងទៀតដែលជាគួរជួយរៀបចំគោលនយោបាយនឹងប្រជុំសម្រេចដើម្បីដាក់ជួនឯកសារគោលនយោបាយនេះទៅរដ្ឋមន្ត្រីក្រសួងណិជ្ជកម្ម»។
ឯកឧត្តមវ៉ា រុតសាន សង្ឃឹមថា គោលនយោបាយនេះនឹងជួយលើកកម្ពស់ទៅដល់ឧស្សាហកម្មផលិតគ្រាប់ស្វាយចន្ទី ថែមមួយកម្រិតទៀតទាំងការផលិត និងកែច្នៃនាំចេញ។ឯកឧត្តមបន្ថែមថា «ឯកសារគោលនយោបាយនេះជាផែនទីបង្ហាញផ្លូវមួយដ៏មានសារៈសំខាន់ដែលនឹងជួយអភិវឌ្ឍន៍វិស័យស្វាយចន្ទីនៅកម្ពុជា ស្រាបតាមគោលបំណងធំបំផុតនៃគោលនយោបាយនេះគឺអភិវឌ្ឍន៍វិស័យស្វាយចន្ទីនៅកម្ពុជា»។
អត្ថបទគួរអាន
ឯកឧត្តម វ៉ា រុតសាន បានឲ្យដឹងទៀតថា «បច្ចុប្បន្នផ្ទៃដីដាំចន្ទីមានប្រមាណ ២សែនហិកតា ហើយ ទីផ្សារស្វាយចន្ធីធំរបស់កម្ពុជាគឺវៀតណាម ដោយគ្រាប់ចន្ធី១គីឡូក្រាមលក់ក្នុងតម្លៃចន្លោះពី ៥ពាន់ ទៅ៦ពាន់រៀល ដែលតម្លៃនេះទាបជាងឆ្នាំទៅមិញដែលមានរហូត១គីឡូក្រាមថ្លៃ ៧ពាន់រៀល ទៅ៨ពាន់រៀល»។
គូរជម្រាបថា កសិផលស្វាយចន្ទីនេះជាប្រភេទទំនិញកសិឧស្សាហក្មមួយរបស់កម្ពុជាដែលបានផ្តល់ផលប្រយោជន៍ជាច្រើនដល់សេដ្ឋកិច្ចកម្ពុជា ដែលជាក់ស្តែងផ្អែកតាមរបាយការណ៍ពីក្រសួងកសិកម្ម កាលពីឆ្នាំ ២០១៩ កន្លងទៅ កម្ពុជាសម្រេចការនាំចេញគ្រាប់ស្វាយចន្ទីទៅទីផ្សារអន្តរជាតិសរុបប្រមាណជាង ២០០ពាន់តោន៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
