ការប្រកួតប្រជែងពានរង្វាន់បច្ចេកវិទ្យា គមនាគមន៍ និងព័ត៌មានកម្ពុជា ឆ្នាំ២០១៨ ពន្យាពេលទទួលពាក្យដល់ថ្ងៃទី ៧ ខែមិថុនា

បេក្ខជន ឬក្រុមហ៊ុនអាចដាក់ពាក្យប្រកួតប្រជែងក្នុងវិស័យចំនួន៦ រួមមាន៖ ១. ការចាប់ផ្ដើមធុរកិច្ច ២. មាតិកាឌីជីថល ៣. វិស័យឯកជន ៤. ការទទួលខុសត្រូវក្នុងសង្គម ៥. វិស័យសាធារណៈ ៦. ការស្រាវជ្រាវ និងអភិវឌ្ឍន៍។

សម្រាប់ម្ចាស់ជ័យលាភី ដែលទទួលចំណាត់ទាំងបី និងទទួលបានរង្វាន់សរុបចំនួន ១៥.០០០ដុល្លារអាមេរិក ក្នុងនោះចំណាត់ថ្នាក់លេខ១ នឹងទទួលបាន១០,០០០ដុល្លារ ទីចំណាត់ថ្នាក់លេខ២ ទទួលបាន ៣,០០០ដុល្លារ និងចំណាត់ថ្នាក់លេខ៣ ទទួលបាន ២,០០០ដុល្លារអាមេរិកផងដែរ។

សូមបញ្ជាក់ថា កាលពីឆ្នាំ២០១៧ មានបេក្ខជនចំនួន១២រូប ទទួលបានឱកាសចូលរួមក្នុងកម្មវិធីពានរង្វាន់ ICT អាស៊ាន ឆ្នាំ២០១៧ ដែលត្រូវបានរៀបចំឡើងនៅខេត្តសៀមរាប ដែលក្នុងនោះក្រុមរបស់កម្ពុជាចំនួន៣ បានទទួលបានមេដាយមាសបី ក្នុងពានរង្វាន់ ICT អាស៊ាន គឺក្រុមហ៊ុន BookmeBus ក្នុងវិស័យការបង្កើតធុរកិច្ច កម្មវិធី Bong Pheak ក្នុងវិស័យការទទួលខុលត្រូវក្នុងសង្គម និង Sokhakrom ក្នុងវិស័យឯកជន៕