Fitch Solutions Macro Research បាននិយាយដូច្នេះថា “ការធ្លាក់ចុះជាង៤០% នៃតម្លៃប្រេង ចាប់តាំងពីដើមឆ្នាំនេះ បានបន្ថែមសម្ពាធទៅលើអ្វីដែលជាហានិភ័យខ្ពស់រួចទៅហើយ នៅតំបន់ខ្សែទឹកខាងកម្ពុជា ដែលជាកន្លែងដែលក្រុមហ៊ុន KrisEnergy កំពុងតែធ្វើអាជីវកម្មអណ្តូងប្រេង អប្សរា ក្នុងប្លុក A។”
រដ្ឋាភិបាលកម្ពុជា និង គ្រីស អេនើជី (KrisEnergy) បានចុះកិច្ចព្រមព្រៀងដើម្បីអភិវឌ្ឍអណ្តូងប្រេងក្នុងប្លុក A ដែលមានទំហំ ៣០៨៨គីឡូម៉ែត្រការ៉េ កាលពីឆ្នាំ២០១៧។
កាលពីឆ្នាំមុន ក្រុមហ៊ុន គ្រីស អេនើជី ក៏បានជួបប្រទះនឹងបញ្ហាហិរញ្ញវត្ថុ និងក៏បានធ្វើការកែសម្រួលបំណុលរបស់ខ្លួនផងដែរ។
អត្ថបទទាក់ទង
Fitch Solutions Macro Research បាននិយាយដូច្នេះថា “ថ្មីៗនេះ នៅក្នុងខែកុម្ភៈ ក្រុមហ៊ុននៅតែប្តេជ្ញាចិត្តដើម្បីបំពេញតាមកាលបរិច្ឆេទកំណត់របស់ខ្លួន ដើម្បីសម្រេចបានលទ្ធផលដំបូង នៅឆមាសទីមួយនៃឆ្នាំ២០២០ ទោះបីពេលនេះ អាចប្រឈមនឹងហានិភ័យដោយសារស្ថានភាពទីផ្សារកាន់តែយ៉ាប់យ៉ឺនយ៉ាងគំហុក ចាប់តាំងពីពេលនោះមកក្ដី។”
Fitch Solutions Macro Research បានអះអាងថា ការធ្លាក់ចុះតម្លៃប្រេងធ្វើឱ្យការផលិតប្រេងពីក្នុងអណ្តូង អប្សារា មិនអាចរកប្រាក់ចំណេញបានដូចមុន ហើយការរាតត្បាតនៃជំងឺកូវីដ១៩ ក៏ធ្វើឲ្យប្រតិបត្ដិការការងារយឺតជាងមុនផងដែរ៕
