បើយោងតាមគេហទំព័រ ប្រព័ន្ធតាមដានករណីឆ្លងកូវីដ១៩ គិតត្រឹមថ្ងៃទី២៨ មីនា ២០២០នេះ ខេត្តរាជធានីចំនួន ១៣ហើយ ដែលមានករណីឆ្លងវីរុសកូវីដ១៩ រួមមាន រាជធានីភ្នំពេញ, ខេត្តព្រះសីហនុ, កំពង់ចាម, បាត់ដំបង, សៀមរាប, កែប, ត្បូងឃ្មុំ, កំពង់ឆ្នាំ, កណ្ដាល, កោះកុង, កំពត, បន្ទាយមានជ័យ, និងព្រះវិហារ។
ខេត្តរាជធានីចំនួន ៣ ដែលមានអត្រាឆ្លងខ្ពស់ជាងគេបំផុត រួមមាន ខេត្តព្រះសីហនុ មានចំនួនករណីឆ្លងកូវីដ១៩ច្រើនជាងគេបំផុត គឺ ៣៦ករណី បន្ទាប់មក គឺរាជធានីភ្នំពេញ មាន ១៧ករណី និង កំពង់ចាម មាន ១៥ករណី។
អត្ថបទទាក់ទង
គេហទំព័រ ប្រព័ន្ធតាមដានករណីឆ្លងកូវីដ១៩ បង្កើតឡើងដោយអង្គការ អ៊ីនស្តេត ដោយដកស្រង់ទិន្នន័យចេញពីនាយកដ្ឋានប្រយុទ្ធនឹងជំងឺឆ្លង នៃក្រសួងសុខាភិបាលកម្ពុជា។
ជាសរុប គិតត្រឹមថ្ងៃទី២៨ មីនា ២០២០នេះ ករណីវិជ្ជមានវីរុសកូវីដ១៩ ដែលបានរកឃើញទាំងអស់នៅទូទាំងប្រទេស មានចំនួន ១០២នាក់ ក្នុងនេះ ស្រី ២៧នាក់ និងប្រុស ៧៥នាក់។ ករណីព្យាបាលជាសះស្បើយ មានចំនួន ១៣នាក់ ក្នុងនោះរួមមាន បុរសជនជាតិខ្មែរ ១១នាក់ បុរសជនជាតិចិន ០១នាក់ និងស្ត្រីជនជាតិអង់គ្លេស ០១នាក់៕
