ជនជាតិចិន ក៏មានចំណាយប្រមាណ៣ពាន់លានដុល្លារ ក្នុងមួយឆ្នាំ លើការធ្វើដំណើរកម្សាន្ដនៅជុំវិញពិភពលោកផងដែរ។ ក្រុមហ៊ុនឯកជនក្នុងវិស័យទេសចរណ៍ខ្លះ បានលើកឡើងថា អ្នកធ្វើដំណើរជនជាតិចិនបានផ្លាស់ប្ដូរចំណង់ចំណូលចិត្ត និងពេលវេលាធ្វើដំណើររបស់ពួកគេ ដោយមានទេសចរចិនភាគច្រើន ចង់ដើរកម្សាន្ដឲ្យបានច្រើនកន្លែងបំផុតនៅអឺអរ៉ុប តែពួកគេមិនចង់ចំណាយពេលវេលាសម្រាកស្នាក់នៅច្រើនថ្ងៃនោះទេ ហើយមានមនុស្សភាគច្រើនធ្វើដំណើរកម្សាន្ដទៅអឺរ៉ុប គឺមានតែម្ដងប៉ុណ្ណោះក្នុងពេញមួយជីវិតរបស់ពួកគេ។
អ្នកជំនាញទេសចរណ៍ បានលើកឡើងថា នៅ៥ឆ្នាំកន្លងមកនេះ និន្នាការមួយ ដែលមានការទាក់ទាញទេសចរជនជាតិចិនខ្លាំង គឺតំបន់ទេសចរណ៍ដែលមានកសិដ្ឋានធំៗដែលមានដាំដុះផ្កា រួមមាននៅតំបន់អាស៊ី នឹងនៅប្រទេសមួយចំនួននៃតំបន់អឺរ៉ុប។
អត្ថបទគួរអាន
វិស័យទេសចរណ៍នៅក្រៅប្រទេសរបស់ចិន បានមើលឃើញពីកំណើនកើនឡើងនៃចំណែកទីផ្សាររបស់ខ្លួន និងកំណើតនៃឱកាសថ្មីបន្តិចបន្តួចដែរ។ អ្នកជំនាញ បានគូសបញ្ជាក់ទៀតថា ភ្ញៀវទេសចរចិនលេងកម្សាន្ដនៅអឺរ៉ុប ភាគច្រើនគឺមកជាលក្ខណៈក្រុមគ្រួសារ ប៉ុន្ដែ ការធ្វើដំណើរបែបនេះ កាន់តែមានតិចទៅៗ ហើយដើម្បីទាក់ទាញភ្ញៀវជនជាតិចិនឲ្យបានកាន់តែច្រើនឡើងវិញ ការផ្ដល់ជូននូវភាពបន់បែន និងតម្រូវទៅតាមតម្រូវការរបស់ទេសចរគឺជារឿងចាំបាច់មួយ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
