ចាប់ពីថ្ងៃទី ១ ដល់ ទី១៥ ខែមិថុនានេះ តម្លៃប្រេងសាំងធម្មតា កើន ២០០រៀល មកដល់ ២.៧០០រៀលក្នុងមួយលីត្រ ហើយតម្លៃប្រេងម៉ាស៊ូត កើន ២០០រៀលដូចគ្នា មកនៅត្រឹម ២.៥០០រៀលក្នុងមួយលីត្រ។
តាំងពីដើមឆ្នាំ ២០២០មក តម្លៃប្រេងសាំងនៅកម្ពុជា បន្តធ្លាក់ចុះជាបន្តបន្ទាប់ គឺប្រមាណ ៣.៧៥០រៀល នៅដើមខែមករា មកនៅត្រឹម ២.២៥០រៀល កាលពីដើមខែឧសភា តែទើបតែចាប់ផ្តើម ងើបឡើងវិញបន្តិច មកដល់ ២.៧០០រៀលក្នុងមួយលីត្រ ចាប់ពីថ្ងៃនេះ ដល់ពាក់កណ្តាលខែមិថុនា។
អត្ថបទទាក់ទង!
បើយើងក្រឡេកទៅលើ តម្លៃប្រេងឆៅ នៅលើទីផ្សារសកលលោក ឃើញថា បានហក់ឡើងវិញបន្តិចហើយ បន្ទាប់ពីអង្គការប្រទេសនាំចេញប្រេង OPEC និងបណ្តាប្រទេសផលិតប្រេងធំៗ សម្រេចធ្វើការកាត់បន្ថយផលិតកម្មប្រេង ចំនួន ៩,៧លានបារ៉ែលក្នុងមួយថ្ងៃ ដើម្បីចូលរួមកាត់បន្ថយការផ្គត់ផ្គង់លើសពីតម្រូវការ និងរក្សាស្ថិរភាពថ្លៃប្រេង នៅលើទីផ្សារសកលលោក។
គួរជម្រាបបន្ថែមថា តម្លៃប្រេងលើទីផ្សារសកល កើនឡើងបន្តិច ដោយគិតត្រឹមថ្ងៃទី ១ ខែមិថុនា នេះ ទីផ្សារប្រេងឆៅ Brent របស់ចក្រភពអង់គ្លេស កើនឡើងមកដល់ជាង ៣៧ដុល្លារ ក្នុងមួយបារ៉ែល ខណៈទីផ្សារអាមេរិក West Texas Intermediate កើនមកនៅជាង ៣៥ដុល្លារក្នុងមួយបារ៉ែល៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
