ក្រុមហ៊ុន Kulara water បង្ហាញពីហេតុផលនៃការទទួលបានពានរង្វាន់ CSR

នៅក្នុងដំណើរទស្សកិច្ច​នោះលោក Jacques Marcille អគ្គនាយក​ក្រុមហ៊ុន Kulara Water បាន​ប្រាប់​អ្នកសារព័ត៌មានថា ក្រៅពីជា​ក្រុមហ៊ុន​ដែលមានផលិតផល​សម្រាប់លក់រក​ប្រាក់ចំណេញ​ហើយ លោកនិង​សហស្ថាបនិកផ្សេង បានឯកភាពគ្នា​លើកការអនុវត្តការងារ​ទំនួលខុស​ត្រូវសង្គមផង​ដែរ ដោយបានបង្កើត​ការងារប្រកប​ដោយនិរន្តរភាព ដោយផ្ទាល់ និងដោយប្រយោល​នៅកម្ពុជា​ឲ្យ​មនុស្សធ្វើ​ការជាង ១៦០នាក់។ លោកបាបន្តថា ក្រៅពីនេះ ក្រុមហ៊ុនរបស់លោក​ក៏មានគម្រោង​ដាំដើមឈើ​ឡើងវិញ​នៅលើភ្នំគូលែន​ឲ្យ​បាន​៤.០០០​ដើម ក្នុងមួយឆ្នាំ ដែលសុទ្ធតែ​ជាប្រភេទឈើ​ដែលជិតផុត​ពូជ​នៅក្នុងស្រុក​ជាង ៣០ប្រភេទ។ 

ដោយឡែកការងារ​សង្គមមួយទៀត គឺការលើកស្ទួយ​វិស័យអប់រំនៅកម្ពុជា តាមរយៈការសាងសង់ សាលារៀន ដោយពេលក្រុមហ៊ុន Kulara Water បានសាងសង់​សាលារៀន​ចំនួន​៣កន្លែង ស្ថិតនៅ ភ្នំគូលែននេះ ដែលមានសិស្ស​ប្រមាណជា​៤០០នាក់​កំពុងសិក្សា​ផងដែរ។ យ៉ាងណាមិញ គម្រោងនេះ អាចប្រព្រឹត្ត​ទៅបាន​ដោយរលូន​ដោយមានការ​សហការជាមួយ​នឹងមូលនិធិ​បុរាណវិទ្យា និងការអភិវឌ្ឍ ដែលហៅកាត់ថា ADF។

ថ្មីៗនេះ រាជរដ្ឋាភិបាលកម្ពុជា តាមរយៈក្រុមប្រឹក្សាអភិវឌ្ឍន៍​កម្ពុជា (CDC) បានរៀបចំបញ្ចប់​នូវសេចក្ដី​ព្រាងច្បាប់វិនិយោគថ្មីៗ ក៏ដូចជាច្បាប់​តំបន់សេដ្ឋកិច្ចពិសេស ដែលក្នុងនោះ ក៏នឹងមាន​ការលើកទឹកចិត្ត​ដល់ក្រុមហ៊ុន​វិនិយោគទាំងឡាយណា ដែលមានការគិតគូរ​ និងអនុវត្ត​នូវកាតព្វកិច្ច​ដោយយកចិត្តទុកដាក់​ចំពោះទំនួល​ខុសត្រូវសង្គម និងបរិស្ថាន។ 

ក្នុងនោះដែរ នៅក្នុងឆ្នាំនេះ ក្រុមហ៊ុន Kulara water  ក៏ទើបតែ​ទទួលបានពានរង្វាន់ «Large Categories» ជាក្រុមហ៊ុនខាង​ផ្នែកអភិវឌ្ឍន៍​ប្រកបដោយ​និរន្តរភាព ក្នុងចំណោម ក្រុមហ៊ុន ដាក់ពាក្យ​ចូលរួមប្រកួត ចំនួន ១៧ និងមាន អ្នកដាក់ពាក្យ ចំនួន ២៥ គណៈកម្មការ វាយតម្លៃ បានរកឃើញ ក្រុមហ៊ុន ចំនួន ៥ មកពីវិស័យ ផ្សេងគ្នា ទទួលបានពាន រង្វាន់ សារជីវកម្ម ទទួលខុសត្រូ វសង្គម (CSR) ពីសភាពាណិជ្ជកម្ម អឺរ៉ុប ប្រចាំកម្ពុជា៕