សម្តេច បានថ្លែងបន្តថា «យើងក៏បានអនុវត្តនូវបទបញ្ជារបស់រាជរដ្ឋាភិបាលការដែលប្រយុទ្ធប្រឆាំងជំងឺហ្នឹងដែរ ការដែលថា ហាមឃាត់ការធ្វើដំណើរឆ្លងកាត់ពីខេត្តមួយទៅខេត្តមួយលើកលែង ការចរាចរណ៍ដែលចាំបាច់មួយចំនួន ឧទាហរណ៍ដូចជាឡានដឹកទំនិញជាដើមចឹង។ ហ្នឹងក៏យើងបានចាត់វិធានការណ៍ដែរ ហើយក៏យើងបានដឹកនាំការងារនេះឃើញថា មកដល់ពេលនេះ វាមិនបាន១០០%ទេ យើងជឿចឹង ពីព្រោះថា នេះបទបញ្ជាមែន តែគឺមិនអនុញ្ញាតឲ្យសមត្ថកិច្ចរបស់យើងចាត់វិធានការតឹងរ៉ឹង រហូតដល់ថាយកទោសយកទណ្ឌអ្នកដែលមិនបានគោរពទេ គ្រាន់តែអង្វរក អំពាវនាវឲ្យគាត់យល់ អោយគាត់ចូលរួម តែប៉ុណ្ណឹងទេ។
សម្តេចបានបន្ថែមថា «អញ្ចឹងហើយវាអាចមាន អ្នកខ្លះក៏ទៅតាមផ្លូវជាតិមិនបាន ក៏ទៅតាមផ្លូវតូចៗទៅ អ្នកខ្លះទៀត គឺទៅពីនាយទៅ គឺថាជិះឡាន ទៅដល់ ប្រហែល២០០ទៅ៣០០ម៉ែត ពីបារ៉ាស់ ចុះដើរក៏មានដែរហើយគាត់ថា ផ្ទះគាត់នៅខាងមុខនោះ ឲ្យយើងធ្វើម៉េច។ ហើយខ្ញុំតែងតែបានណែនាំ ផ្តល់នូវមតិយោបល់ ធ្វើម៉េចអាកប្បកិរយារបស់មន្ត្រីរបស់យើង គឺមិនត្រូវធ្វើអ្វីដែលនាំឲ្យប៉ះពាល់ ឬក៏ឈានទៅដល់ការប្រទូសរ៉ាយអំពើហិង្សាទាំងអស់នោះទេ»។
អត្ថបទទាក់ទង
គួរបញ្ជាក់ថា បទបញ្ជារបស់រាជរដ្ឋាភិបាល ដែលបានដាក់ចេញនោះគឹ លើកទី១ គឺហាមឃាត់មិនឲ្យមានការធ្វើដំណើរចេញចូលពីខេត្តមួយទៅខេត្តមួយ ស្រុកមួយទៅស្រុកមួយ និងហាមឃាត់ការដំណើរពីខេត្តមករាជធានី និងពីរាជធានៅទៅខេត្តវិញ ជាពិសេសប្រភេទរថយន្តឈ្នួលដឹកមនុស្សច្រើន។ តែក្រោយមកទៀតក៏មានការកែតម្រូវបន្តិចវិញ ដោយហាមឃាត់តែការធ្វើដំណើរឆ្លងកាត់ពីខេត្តមួយទៅខេត្តមួយ និងខេត្តមកភ្នំពេញ ហើយភ្នំពេញទៅខេត្តប៉ុណ្ណោះ ហើយរាជធានីភ្នំពេញនិងខេត្តកណ្តាលត្រូវចាត់ចូលជាភូមិសាស្ត្រតែមួយវិញ។ ចំពោះការហាមនេះ គឺបានអនុវត្តកាល់ពីថ្ងៃទី ០៩ មេសា ហើយនឹងត្រូវបញ្ចប់វិញបន្ទាប់ពីចប់ពិធីបុណ្យចូលឆ្នាំ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
