អ្នកជំងឺកូវីដ១៩ ដែលជាសះស្បើយចុងក្រោយគេនេះ ជាស្ត្រីជនជាតិខ្មែរ អាយុជាង៣០ឆ្នាំ រស់នៅក្នុងខេត្តបន្ទាយមានជ័យ និងបានបញ្ជូនមកព្យាបាលបន្តនៅមន្ទីរពេទ្យមិត្តភាពខ្មែរសូវៀត កាលពីថ្ងៃទី០៨ខែឧសភា កន្លងទៅ ហើយត្រូវធ្វើតេស្តរកមេរោគ២ដង បញ្ជាក់ថា មិនមានវិជ្ជមានមេរោគកូវីដ១៩កាលពីថ្ងៃទី១៥ ឧសភា។
សូមជម្រាបថា បច្ចុប្បន្នកម្ពុជាមិនមានអ្នកជំងឺកូវីដ១៩ទៀតទេ គឺបានជាសះស្បើយទាំង១២២នាក់ ពោលគឺស្មើនឹង១០០% ។ទោះបីស្ថានភាពកូវីដនៅកម្ពុជាមានភាពប្រសើរក៏ពិតមែន តែរាជរដ្ឋាភិបាល និងក្រសួងសុខាភិបាល នៅតែអំពាវឲ្យប្រជាពលរដ្ឋទាំងអស់ បន្តការយកចិត្តទុកដាក់ និងត្រូវមានការប្រុងប្រយ័ត្ន ហើយត្រូវខិតខំអនុវត្តគ្រប់បែបយ៉ាងទាំងអស់តាមបទបញ្ជារបស់រាជរដ្ឋាភិបាល និងធ្វើតាមការណែនាំនានារបស់ក្រសួងសុខាភិបាល ដើម្បីបន្តជៀសឆ្ងាយពីជំងឺកូវីដ-១៩៕
