អាជីវករលក់នំម្នាក់នៅតាមបណ្តោយដងវិថី Pub Street បានឲ្យដឹងថា ទិដ្ឋភាពដ៏គួរឲ្យស្រងេះស្រងោចនេះ កើតមានជាងកន្លះខែហើយ ពោលគឺចាប់តាំងពីកើតមានករណីឆ្លងមេរោគកូវីដ១៩ នៅខេត្តសៀមរាបលើកដំបូងមកម្ល៉េះ។
អាជីវករដដែលបានរៀបរាប់ដូច្នេះថា «ហាងនិងតូបនៅជុំវិញនោះបានបិទទ្វារអស់ហើយ ព្រោះតែគ្មានភ្ញៀវសោះ ហើយបើនៅតែបើកទៀត អស់តែថ្លៃភ្លើងទេ និងអស់ថ្លៃតូប ចំណែកខ្ញុំលក់នំតិចតួច មិនអស់ថ្លៃភ្លើងអីដែរច្រើនដូចគេដែរ ម្ល៉ោះហើយចេះតែលក់ទៅ ថ្ងៃខ្លះបានមួយពីរ ថ្ងៃខ្លះអត់សោះក៏មាន»។
អត្ថបទទាក់ទង
គាត់បានបន្ថែមថា «តាំងពីខ្ញុំចេះលក់ដូរនៅតំបន់នេះមក រយៈពេល៦ឆ្នាំហើយ មិនដែលមានសភាពស្ងប់ស្ងាត់បែបនេះទេ នេះជាលើកទីមួយហើយ គឺវាស្ងាត់ដល់ថ្នាក់គេបិទតូបគ្រប់កន្លែងហើយ ហើយខ្ញុំចេះតែលក់ទៅ គ្រាន់នឹងបានលុយហូបបាយ ចាក់សាំងម៉ូតូអីដែរ បើយើងបិទទាំងអស់ហ្មង វាអត់មានចំណូលសោះ អត់មានលុបង់ថ្លៃតូបឲ្យគេ»។
មិនថាតែអាជីវករលក់ដូចនៅវិថី Pub Street ខេត្តសៀមរាបទេ ដែលជួបប្រទះបញ្ហានេះ នៅទូទាំងប្រទេសកម្ពុជា ក៏ដូចជាពិភពលោកទាំងមូលក៏កំពុងតែជួបវិបិត្តនេះដូចគ្នា ដោយសង្ឃឹមថា វីរុសCovid-19 នេះ នឹងឆាប់រលាយបាត់ពីពិភពលោក ដើម្បីឲ្យដំណើរការសេដ្ឋកិច្ចឆាប់វិលត្រឡប់មកសភាពដើមវិញ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
