សរុបមកទល់ពេលនេះ កម្ពុជា បានរកឃើញករណីឆ្លងមេរោគ Covid-19 ចំនួន ៣ករណីហើយ ដែលមួយករណីកើតលើបុរសជនជាតិចិន មួយករណីទៀត កើតលើបុរសជាជនជាតិខ្មែរ និងមួយករណីចុងក្រោយនេះ គឺកើតឡើងលើស្ត្រីជនជាតិអង់គ្លេស ដែលធ្វើដំណើរពីទីក្រុងឡុង ចក្រភពអង់គ្លេស ទៅកាន់ប្រទេសប្រទេសវៀត និងបន្ដដំណើរតាមកប៉ាល់ចូលក្នុងទឹកដីខេត្តកំពង់ចាមប្រទេសកម្ពុជា។
បើតាមក្រសួងសុខាភិបាល ស្ត្រីជនជាតិអង់គ្លេសដែលមានវិជ្ជមាន Covid-19 ដែលទើបរកឃើញនេះ គឺបានឆ្លងពីស្ត្រីជនជាតិវៀតណាមម្នាក់ ដែលមាន Covid-19 អំឡុងពេលស្ត្រីទាំងពីរនាក់នេះ បានជិះយន្ដហោះ អង្គុយជាប់កៅអីគ្នា ធ្វើដំណើរពីទីក្រុងឡុង ទៅកាន់ប្រទេសវៀតណាម។
បច្ចុប្បន្ន ស្ត្រីជាជាតិអង់គ្លេសម្នាក់នោះ កំពុងដាក់ឲ្យនៅដាច់ដោយឡែកក្នុងមន្ទីរពេទ្យក្នុងខេត្តកំពង់ចាម ហើយអ្នកប៉ះពាល់ដោយផ្ទាល់ជាមួយនឹងស្ត្រីមាន Covid-19 រូបនេះ ក៏ត្រូវបន្ដតាមដាន និងដាក់ឲ្យនៅដាច់ដោយឡែក នៅលើនាវាផងដែរ បន្ទាប់ពីបានធ្វើតេស្ដរួចហើយ តែមិនទាន់រកឃើញផ្ទុកមេរោគ Covid-19 នៅឡើយ។
សូមរង់ចាំតាមដានព័ត៌មានលម្អិតនាពេលបន្តិចទៀតនេះ!
