ដាក់ប្រាក់បញ្ញើតាម«អេស៊ីលីដា ម៉ូបាល»ភ្លាម បានការប្រាក់ភ្លាម ហើយអត្រាការប្រាក់ខ្ពស់ទៀត!
អត្ថបទទាក់ទង
ឥឡូវនេះ កាន់តែពិសេសថែមទៀត បន្ទាប់ពី អេស៊ីលីដា ម៉ូបាល បានប្ដូររូបរាងថ្មីយ៉ាងទាក់ទាញ និងមានការគាំទ្រពីអតិថិជនរាប់លាននាក់ អេស៊ីលីដា ម៉ូបាល បានបន្ថែមមុខងារពិសេសមួយទៀត គឺ អតិថិជនអាចដាក់ប្រាក់បញ្ញើមានកាលកំណត់ ភ្លាមៗ ដោយទទួលបានការប្រាក់ខ្ពស់ជាងការដាក់ប្រាក់បញ្ញើនៅតាមបញ្ជររបស់ធនាគារ ។
លោកស្រី សុខ សោភា នាយិកាប្រតិបត្តិទីផ្សារ នៃធនាគារ អេស៊ីលីដា បានបញ្ជាក់អំពីការដាក់ប្រាក់បញ្ញើមានកាលកំណត់ យ៉ាងដូច្នេះ ថា ៖ «ការដាក់ប្រាក់បញ្ញើ គឺជាផ្នែកមួយនៃការវិនិយោគ (investment) ... ហើយការដាក់ប្រាក់បញ្ញើតាម អេស៊ីលីដា ម៉ូបាល គឺបានអត្រាការប្រាក់ល្អជាង [ខ្ពស់ជាង] ការដាក់ប្រាក់បញ្ញើនៅតាមបញ្ជររបស់ធនាគារថែមទៀតផង ពីព្រោះ ធនាគារលើកទឹកចិត្តឲ្យ[អតិថិជន]ធ្វើប្រតិបត្តិការ នៅលើអេស៊ីលីដា ម៉ូបាល App ។»
លោកស្រី សុខ សោភា នាយិកាប្រតិបត្តិទីផ្សារ នៃធនាគារ អេស៊ីលីដា
លោកស្រីនាយិកាបានពន្យល់បន្ថែមពីអត្ថប្រយោជន៍នៃការដាក់ប្រាក់បញ្ញើដោយប្រើអេស៊ីលីដា ម៉ូបាល ដូច្នេះថា ៖ «ជួនកាល ពេលល្ងាចគាត់[អតិថិជន]គិតឃើញ គាត់ធ្វើ[ប្រតិបត្តិការដាក់ប្រាក់បញ្ញើតាមអេស៊ីលីដា ម៉ូបាល] គាត់ធ្វើចប់ គាត់ចូលសម្រាន្ត នៅពេលយប់ដែលគាត់សម្រាន្តលក់ហ្នឹង ធនាគារចាប់ផ្ដើមគិតការប្រាក់ឲ្យគាត់រួចស្រេចទៅហើយ ប៉ុន្តែ បើគាត់រង់ចាំយកលុយមកដាក់បញ្ញើនៅឯបញ្ជរនៅព្រឹកស្អែក គឺ គាត់ខាតរយៈពេលមួយយប់បាត់ទៅហើយ ។»
លោកស្រី សុខ សោភា បានលើកទឹកចិត្តឲ្យអតិថិជនដាក់ប្រាក់បញ្ញើមានកាលកំណត់ តាម អេស៊ីលីដា ម៉ូបាល ពីព្រោះវាមានភាពងាយស្រួលជាង និងសន្សំបានទាំងពេលវេលា ចំណេញទាំងការគិតអត្រាការប្រាក់ ។
អ្វីដែលលោកអ្នកត្រូវធ្វើ គឺគ្រាន់តែចូលទៅបើកប្រើប្រាស់ អេស៊ីលីដា ម៉ូបាល រួចហើយ ជ្រើសរើសយកម៉ឺនុយ "វិនិយោគ" រួច ជ្រើសរើស "ដាក់ប្រាក់បញ្ញើមានកាលកំណត់ថ្មី" ជាការស្រេច ៕
