កប៉ាល់ដឹកអ្នកដំណើរព្រែកព្នៅ-តាខ្មៅដំណើរការនៅថ្ងៃទី៦ មេសានេះ

បើតាមទំព័រហ្វេសប៊ុកផ្លូវការរបស់ក្រសួងសាធារណការ និងដឹកជញ្ជូន បានលម្អិតថា ចំណតដែលត្រូវឈប់មានចំនួន៦ គឺស្ពានព្រែព្នៅ ឫស្សីកែវត្រង់ចំណតឡានក្រុង ផែភ្នំពេញ ចំណតអរិយក្សត្រ-កោះពេជ្រ ច្បាអំពៅ និងត្រង់កន្លែងអ្នកតាចិនក្រុងតាខ្មៅ។ 

លោក វ៉ាស៊ឹម សុរិយា ប្រធាននាយកដ្ឋាននៃនាយកដ្ឋានរដ្ឋបាលរបស់ក្រសួងសាធារណការ មិនអាចបញ្ជាក់ពីតម្លៃសំបុត្រកប៉ាល់បានទេ ដោយគ្រាន់តែបញ្ជាក់ថា កប៉ាល់ដែលត្រូវដំណើរការនេះ មានចំនួន២គ្រឿង ហើយចាប់ពីថ្ងៃបើកដំណើរការរហូតដល់ប្រហែលជាខែសីហា នឹងអនុញ្ញាតឲ្យពលរដ្ឋជិះដោយមិនបង់ប្រាក់ឡើយ។ 

សូមបញ្ជាក់ដែរថា ក្រៅពីបើកសម្ពោធឲ្យដំណើរកប៉ាល់ដឹកអ្នកដំណើរដោយមិនគិតថ្លៃនៅថ្ងៃទី៦ ខែ​មេសា​នេះ ប៉ុន្មានថ្ងៃមុននេះ ក្រសួងសាធារណការ និងដឹកជញ្ជូន បានបើកដាក់ឲ្យដំណើរការរថភ្លើងសិរីសោភ័ណ-ប៉ោយប៉ែតដោយដឹកអ្នកដំណើរមិនគិតលុយ ខណៈសាលារាជធានីភ្នំពេញ គ្រោងបញ្ចេញរថយន្ដក្រុងចំនួន៦០គ្រៀង ដើម្បីដឹកពលរដ្ឋទៅតាមបណ្តាខេត្តនានាដោយមិនគិតថ្លៃចាប់ពីថ្ងៃទី១២ ដល់ថ្ងៃទី១៨ ខែមេសាផងដែរ៕