ហ្វីលីពីន ទិញអង្ករពីវៀតណាមតម្លៃជាង ១ពាន់លានដុល្លារនៅឆ្នាំ២០២០

កំណើននៃបិរមាណអង្ករវៀតណាមនាំចេញទៅហ្វីលីពីន គឺមានកំណើនខ្ពស់ ខណៈដែលគិតជាតម្លៃជាទឹកប្រាក់វិញ គឺជាលើកទី១ហើយដែលបានកើនដល់ ១ពាន់លានដុល្លារអាមេរិក។

បន្ថែមពីនេះ តម្លៃអង្ករវៀតណាមនាំចេញទៅហ្វីលីពីន គិតជាមធ្យមបានកើនឡើងដល់ជាង៤៧០ ដុល្លារអាមេរិកក្នុងមួយតោន កើនឡើងជិត១៥% ធៀបនឹងឆ្នាំ២០១៩។

វៀតណាមបាននាំចេញអង្ករសរុបទៅទីផ្សារក្រៅប្រទេសជាង ៦លានតោន នៅឆ្នាំ២០២០ ធ្លាក់ចុះជិត២% ប៉ុន្ដែ បើគិតជាតម្លៃជាទឹកប្រាក់វិញសម្រេចបានដល់ទៅជាង ៣ពាន់លានដុល្លារ កើនជាង១១% ធៀបនឹងឆ្នាំ២០១៩៕