សម្តេចបានបន្តថា នាពេលខាងមុខនេះ រាជរដ្ឋាភិបាលនឹងចំណាយប្រមាណ២៥លានដុល្លារអាមេរិក ដើម្បីឧបត្ថម្ភដល់គ្រួសារពលរដ្ឋក្រីក្រជាង៦០ម៉ឺនគ្រួសារនោះ បើទោះជាចំណូលប្រចាំខែរបស់រដ្ឋធ្លាក់ចុះបន្តិចក្តី។
កាលពីពេលថ្មីនេះ ឯកឧត្តម មាស សុខសេនសាន អ្នកនាំពាក្យក្រសួងសេដ្ឋកិច្ច និងហិរញ្ញវត្ថុបានប្រាប់សារព័ត៌មានខេមបូណូមីសថា ខាងក្រសួងសេដ្ឋកិច្ចបានត្រៀមថវិការួចជាស្រេចហើយ ដើម្បីអនុវត្តទៅតាមវិធានការដែលរាជរដ្ឋា ភិបាលបានដាក់ចេញ។ គួរបញ្ជាក់ថា ការផ្តល់ប្រាក់ឧបត្ថម្ភដល់ពលរដ្ឋខ្វះខាត នឹងត្រូវដកចេញពីក្នុងកញ្ចប់ថវិកា៨០០លាន សម្រាប់ដោះស្រាយក្នុងអំឡុងកូវីដ១៩នេះ៕
