ក្នុងចំណោមកញ្ចប់ថវិកាសរុបនេះ រដ្ឋាភិបាលនឹងបែងចែក ទឹកប្រាក់ប្រមាណ ២ពាន់៧រយលានដុល្លារ ដល់ម្ចាស់អាជីវកម្មខ្នាតតូចចំនួន ៣លាន ២សែននាក់ ក្រោយការលក់របស់ពួកគេមានការធ្លាក់ចុះ ក្នុងអំឡុងកូវីដ១៩ ដោយម្ចាស់អាជីវកម្មម្នាក់នឹងទទួលបានជាង ៨០០ដុល្លារអាមេរិក។
កញ្ចប់ជំរុញសេដ្ឋកិច្ច ជួយគាំទ្រអាជីវកម្មខ្នាតតូចនេះ ធ្វើឡើងប៉ុន្មានសប្តាហ៍បន្ទាប់ពីសភាបានអនុម័តថវិកាចំនួនជាង ៥១៣ពាន់លានដុល្លារសម្រាប់ឆ្នាំ ២០២២ ដើម្បីគាំទ្រដល់ការស្ទុះងើបឡើងវិញនៃសេដ្ឋកិច្ច និងជួយដល់អ្នកដែលរងគ្រោះដោយជំងឺរាតត្បាត។
សូមជម្រាបថា កាលពីថ្ងៃទី១៦ ធ្នូ នាយករដ្ឋមន្ត្រីកូរ៉េខាងត្បូង បាននិយាយថា ប្រទេសកូរ៉េខាងត្បូងនឹងដាក់ចេញឡើងវិញនូវវិធានការរក្សាគម្លាតសង្គមដ៏តឹងរ៉ឹង បន្ទាប់ពីរដ្ឋាភិបានបានបន្ធូរបន្ថយវិធាននៅក្រោមគោលនយោបាយ រស់នៅជាមួយកូវីដ១៩ បានត្រឹមតែប៉ុន្មានខែប៉ុណ្ណោះ។ យ៉ាងណាមិញ ការដាក់ចេញវិធានរឹតបន្តឹងជាថ្មីនេះ គឺធ្វើឡើងនៅក្រោយចំនួននៃការឆ្លងថ្មី និងករណីធ្ងន់ធ្ងរក្នុងប្រទេសកើនឡើងវិញ ព្រមទាំងមានការបារម្ភពីមេរោគបំប្លែងថ្មីអូមីក្រុង។អត្ថបទគួរអាន
វិធានការតឹងរឹងរក្សាគម្លាតសង្គមឡើងវិញនេះ នឹងចាប់ផ្ដើមអនុវត្តចាប់ពីថ្ងៃសៅរ៍សប្ដាហ៍នេះ ដល់ថ្ងៃទី ២ ខែមករា ដោយអនុញ្ញាតឱមានការជួបជុំគ្នាមិនលើសពីបួននាក់ ហើយត្រូវតែជាអ្នកដែលបានចាក់វ៉ាក់សាំងពេញលេញ។ ដោយឡែក សម្រាប់ភោជនីយដ្ឋាន ហាងកាហ្វេ និងហាងផឹកស៊ី ត្រូវតែបិទនៅម៉ោង ៩ យប់ ខណៈរោងកុន និងហាងអ៊ីនធឺណិត បិទនៅម៉ោង ១០ យប់។
គួរជម្រាបថា បើតាមទីភ្នាក់ងារគ្រប់គ្រង និងបង្ការជំងឺកូរ៉េ (KDCA) បានរាយការណ៍ករណីចំនួនឆ្លងថ្មីនូវត្រឹមថ្ងៃទី ១៦ ធ្នូ មានចំនួនជាង ៧ពាន់នាក់ និងអ្នកស្លាប់ថ្មីចំនួន ៧៣នាក់ ដែលធ្វើឱ្យករណីឆ្លងសរុបក្នុងប្រទេសនេះកើនដល់ ៥៥ម៉ឺន ២ពាន់ ខណៈអ្នកស្លាប់សរុបកើនជិតដល់ ៤ពាន់ ៦រយនាក់៕អត្ថបទ ស៊ើង និមល់
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
