លោក ម៉េត មាសភក្តី អ្នកនាំពាក្យសាលារាជធានីភ្នំពេញ បានឲ្យដឹងថា «ការបង្កើតជាសួន និងឧទ្យានធម្មជាតិសាធារណៈនៅលើផ្ទៃដីបឹងតាមោកនេះ អាចចាត់ទុកថា ជាតំបន់ប៉ូលមួយទៀត សម្រាប់ការលំហែកំសាន្ត ព្រោះថាសព្វថ្ងៃនេះ បើនៅកណ្តាលទីក្រុងភ្នំពេញ ពលរដ្ឋភាគច្រើនទៅកោះពេជ្រ មាត់ ទន្លេ មុខវាំងអ៊ីចឹង ដូច្នេះគេចង់បង្វែរទិសដៅកម្សាន្ដខ្លះ ដោយប្រជាជនរបស់យើងឥឡូវច្រើន ចឹងយើងបង្កើតប៉ូលសម្រាប់កម្សាន្ដច្រើន ដើម្បីបង្កលក្ខណៈស្រួលដល់ពលរដ្ឋនៅតំបន់នោះ មិនចាំបាច់ជិះទៅឆ្ងាយ»។
លោកបានបន្ថែមថា «បើសួរថា វាដំណើរការដល់ណាហើយ គឺវានៅទេ ព្រោះលិខិតទើបតែចេញថ្មីៗនេះហ្នឹង ហើយទំហំនៃការអភិវឌ្ឍវាធំ ចឹងហើយត្រូវការពេលវេលាសិក្សាឲ្យបានច្បាស់សិន ដូចជារឿងយកដី ២០ហិកតាធ្វើបឹងតាមោកកាលពីមុននឹងចឹង គេធ្វើដឹងតែធ្វើហើយ គ្រាន់តែយូរ និងឆាប់ ហើយនឹងធ្វើបណ្តើរៗទៅតែម្តង»។
អត្ថបទទាក់ទង
សូមជម្រាបថា បឹងតាមោក (បឹងកប់ស្រូវ) មានទំហំ ជាង ៣ពាន់ហិកតា ជាសម្បត្តិសាធារណៈរបស់ ដែលកន្លងទៅត្រូវបានរាជរដ្ឋាភិបាលកាត់យក ២០ហិកតា សម្រាប់ធ្វើជាផ្សារធ្វើជាផ្សារបន្លែ និងចំណតរថយន្តឈ្នួល ហើយពេលនេះ បានសម្រេចកាត់ ៧៥ហិកតាទៀត ដើម្បីបង្កើតជាសួន និងឧទ្យានធម្មជាតិសាធារណៈ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
