លោក ចាន់ ស៊ីន ប្រធានស្តីទីក្រុមហ៊ុនអាកាសចរណ៍ Thai Airways បានគូសបញ្ជាក់ថា បញ្ហាមេរោគកូវីដ១៩ នៅតែមានឥទ្ធិពលធ្ងន់ធ្ងរដល់ អាជីវកម្មទូទាំងសកល និងកំណត់កម្រិតនៃជើងហោះហើរអន្តរជាតិ ដែលធ្វើឲ្យ ភ្ញៀវទេសចរណ៍អន្តរជាតិ ជាប់គាំងនៅក្នុងប្រទេសរបស់ខ្លួន មិនអាចដើរកម្សាន្តបាន។
លើសពីនេះ ការប្រើប្រាស់កងនាវាអាកាសចរណ៍របស់ក្រុមហ៊ុន ក៌បានធ្លាក់ចុះពី ៨០% មកនៅត្រឹម ៣៥% ហើយចំនួនអ្នកដំណើរ ក៏ធ្លាក់ចុះដល់ទៅ ៩២% មកនៅត្រឹម ៥សែននាក់ នៅក្នុងត្រីមាសទី ៣ឆ្នាំនេះ ធៀបនឹងពេលដូចគ្នាកាលពីឆ្នាំមុន។
អត្ថបទទាក់ទង
ក្រសួងទេសចរណ៍ និងកីឡាថៃ បង្ហាញថា ជាក់ស្តែង ៩ខែដំបូង ដើមឆ្នាំ ២០២០នេះ ថៃទទួលបានភ្ញៀវទេសចរអន្តរជាតិ ៦លាន ៧សែននាក់ ធ្លាក់ចុះ ៧៧% ធៀបនឹងឆ្នាំមុន ដែលមានភ្ញៀវជាង ៣០លាននាក់ ហើយចំនួនភ្ញៀវទេសចរណ៍នេះ គឺភាគច្រើន ចូលមកប្រទេសថៃ តាំងពីត្រីមាសទី ១មកម្ល៉េះ ខណៈប៉ុន្មានខែចុងក្រោយនេះ ចំនួនភ្ញៀវទេសចរបរទេស គឺស្មើ សូន្យតែម្តង។
ជាចុងក្រោយ អង្គការអាកាសចរណ៍ស៊ីវិលអន្តរជាតិ ក៏បានណែនាំឲ្យ រាជរដ្ឋាភិបាលថៃ ពិចារណាបង្កើត ច្រករបៀងសុខភាពសាធារណៈ ដើម្បីចាប់ផ្តើមបើកដំណើរការវិស័យ ទេសចរណ៍ឡើងវិញ ជាមួយបណ្តាប្រទេសដទៃ ក៏ប៉ុន្តែ រាជរដ្ឋាភិបាលថៃ បានបរាជ័យក្នុងការបើកដំណើរការ ទោះបីជាបានសិក្សារួចក៏ដោយ៕
