នេះបើយោងតាមកាសែត បាងកកប៉ុស្តិ៍ របស់ថៃ ដែលចុះផ្សាយកាលពីពេលថ្មីៗនេះ ដោយដកស្រង់ប្រភពពីក្រសួងសុខាភិបាលថៃ។
រដ្ឋមន្ត្រីក្រសួងសុខាភិបាលថៃ លោក Anutin Charnvirakul បានកោតសរសើរចំណាត់ថ្នាក់នេះ ថា ជាការបង្ហាញឲ្យឃើញពីជោគជ័យរបស់ប្រទេសថៃ នៅក្នុងការអភិវឌ្ឍវិស័យគាំពារសុខភាពរបស់ខ្លួន។
យោងតាមទស្សនាវដ្ដី CEOWORLD ដែលបានចេញផ្សាយបញ្ជីប្រទេសដែលមានប្រព័ន្ធគាំពារសុខភាពល្អបំផុតនៅលើពិភពលោក ប្រចាំឆ្នាំ២០១៩ កាលពីដើមខែសីហា, ប្រទេសថៃស្ថិតក្នុងចំណោមប្រទេសអាស៊ានតែពីរបីប្រទេសប៉ុណ្ណោះ ដែលឈរលេខរៀងក្នុងចំណោមកំពូលប្រទេសទាំង១០ ដោយក្នុងនោះ កូរ៉េខាងត្បូងឈរនៅលេខរៀងទី២ និងជប៉ុនឈរនៅលេខរៀងទី៣។
អត្ថបទទាក់ទង
កោះតៃវ៉ាន់ ទទួលបានចំណាត់ថ្នាក់លេខ១ ជាប្រទេសដែលមានសេវាគាំពារសុខភាពល្អបំផុតនៅលើពិភពលោក ក្នុងចំណោមប្រទេសសរុប ៨៩ប្រទេស ដែលបានធ្វើការស្ទង់មតិ ដោយតៃវ៉ាន់ទទួលបានពិន្ទុ ៧៨,៧២ លើ ១០០ នៅលើសន្ទស្សន៍គាំពារសុខភាព។ ប្រទេសដែលជាប់ចំណាត់ថ្នាក់បាតតារាង គឺប្រទេសវេណេស្វ៊េឡា។
ប្រទេសអូទ្រីស ជាប់ចំណាត់ថ្នាក់លេខ៤, ដាណឺម៉ាកលេខ ៥, អេស្ប៉ាញ់លេខ៧, បារាំង លេខ ៨, និងប៊ែលហ្ស៊ិក លេខ ៩ ហើយចំណែកឯប្រទេសអូស្ត្រាលីជាប់ចំណាត់ថ្នាក់លេខ១០។
សន្ទស្សន៍គាំពារសុខភាព គឺជាការវិភាគបែបស្ថិតិទៅលើគុណភាពទូទៅនៃប្រព័ន្ធគាំពារសុខភាពរបស់ប្រទេសមួយ ក្នុងនោះរាប់បញ្ចូលទាំងហេដ្ឋារចនាសម្ព័ន្ធ អ្នកប្រកបវិជ្ជាជីវៈគាំពារសុខភាព (ដូចជា វេជ្ជបណ្ឌិត បុគ្គលិកគិលានុប្បដ្ឋាយិកា និងបុគ្គលិកសុខាភិបាលដទៃទៀត) សមត្ថភាព តម្លៃ ភាពសម្បូរនៃឱសថដែលមានគុណភាព និងការត្រៀមលក្ខណៈរបស់រដ្ឋាភិបាល។ នេះបើយោងតាមគេហទំព័រទស្សនាវដ្ដី CEOWORLD៕
