អាមេរិកនាំចូលបន្លែ និងផ្លែឈើទៅវៀតណាមធំជាងគេបង្អស់ អំឡុងពេលមានវិបត្តិកូវីដ-១៩

យោងតាម​សមាគមបន្លែ និងផ្លែឈើវៀតណាម បញ្ជាក់ឲ្យដឹងថា រយៈពេល ៤ខែ ដើមឆ្នាំនេះ សហអាមេរិក​បានផ្គត់ផ្គង់​បន្លែ និងផ្លែឈើជាង ១០២​លានដុល្លារ​អាមេរិក ដែលមាន​កំណើន ៤៤% ធៀបនឹង​រយៈពេលដូចគ្នា​កាលពីឆ្នាំមុន។

ដោយឡែក ការនាំចូលទំនិញ​សរុប​របស់​វៀតណាម ក្នុងអំឡុងពេលនេះ សម្រេចបានជាង ៣៧៦​លាន​ដុល្លារ​អាមេរិក ធ្លាក់ចុះ​៤២% ក៏ប៉ុន្តែការនាំចូល​មកពី​ប្រទេស​នូវែលសេឡង់ អាមេរិក និងកូរ៉េខាងត្បូង គឺមានការ​កើនឡើងដូចគ្នា។

បើតាម ម្ចាស់ហាងទំនិញ​វៀតណាម ដែលជាអ្នក​នាំចូលផ្លែ​ឈើអាមេរិក បានអះអាងថា ផ្លែឈើអាមេរិក គឺមានប្រជាប្រិយភាព​ណាស់ សម្រាប់​ប្រជាពលរដ្ឋ​វៀតណាម ក្នុងនោះ ផ្លែប៉ោម ទំពាំងបាយជូរ និងឈឺរី ជាទំនិញ​នាំចូលច្រើន​ជាងគេបំផុត។

ទោះយ៉ាងណា វៀតណាម ក៏ជាប្រទេស​នាំចូលបន្លែ និងផ្លែឈើ ដ៏ធំមួយដែរ ដោយសម្រេច​បានជាង ១,២ ពាន់លាន​ដុល្លារអាមេរិក ក្នុងរយៈពេល ៤ខែ ដើមឆ្នាំ ២០២០នេះ ដែលមានការធ្លាក់ចុះ ១២%។

គួរជម្រាបផងដែរថា ក្នុងរយៈពេល ៤ខែ ដើមឆ្នាំ ២០២០នេះ ប្រទេសវៀតណាម នៅតែធ្វើបានល្អ ជាប្រទេស​មួយដ៏លេចធ្លោ ខាងមុខជំនួញ​ពាណិជ្ជកម្ម ទោះបីជាជួបវិបត្តិ​កូវីដក៏ដោយ ហើយ វៀតណាម សម្រេចបាននូវ​ការនាំចេញ​ប្រមាណ ៨៣ពាន់លាន​ដុល្លារអាមេរិក ដែលមានកំណើន ៥% បើធៀបនឹង​រយៈពេល​ដូចគ្នា កាលពីឆ្នាំ២០១៩៕