តាមសារព័ត៌មាន VN Express នាយកប្រតិបត្តិការក្រុមហ៊ុនអាកាសចរណ៍វៀតណាម គឺលោក Doung Tri Thanh បានថ្លែងនៅក្នុងកិច្ចប្រជុំកាលពីថ្ងៃចន្ទសប្ដាហ៍នេះថា ក្រុមហ៊ុនអាកាសចរណ៍ Vietnam Airlines ទំនងជានៅឆ្នាំនេះ អាចនឹងខាតបង់ប្រមាណ៥៦១ លានដុល្លារអាមេរិក ដោយប្រាក់ចំណូលបាននិងកំពុងធ្លាក់ចុះពោលគឺមានការធ្លាក់ចុះប្រហែលពាក់កណ្ដាលនៃឆ្នាំទៅមិញ ដែលនឹងមានមកនៅប្រមាណ ២,២ ពាន់លានដុល្លារអាមេរិក។ នេះបើ
តាំងពីខែមេសាមក ក្រុមហ៊ុនអាកាសចរណ៍វៀតណាម បានបញ្ឈប់ជើងហោះហើរអន្តរជាតិ ហើយក្រុមហ៊ុននេះ មានប្រតិបត្តិការជើងហោះហើរក្នុងស្រុកគិតជាមធ្យមតែចំនួន៤ជើងប៉ុណ្ណោះក្នុងមួយថ្ងៃ ។
អត្ថបទទាក់ទង!
នាយកប្រតិបត្តិក្រុមហ៊ុនអាកាសចរណ៍វៀតណាម រំពឹងថា ទីផ្សារក្នុងស្រុកនឹងងើបឡើងវិញនៅចុងឆ្នាំ២០២១ ហើយទីផ្សារអន្តរជាតិអាចនឹងស្ទុះងើបវិញនៅឆ្នាំបន្ទាប់នោះ។
ទីប្រឹក្សារដ្ឋាភិបាលបានបញ្ជាក់ថា ជម្រើសផ្សេងទៀតដើម្បីសង្គ្រោះក្រុមហ៊ុនអាកាសចរណ៍វៀតណាម គឺការបោះផ្សាយលក់ភាគហ៊ុនបន្ថែមទៀត ទៅដល់ម្ចាស់ភាគហ៊ុនដែលមានស្រាប់ ឬអនុញ្ញាតឲ្យមានការវិនិយោគដោយមូលនិធិមូលធនសារជីវកម្មវិនិយោគរដ្ឋ។
ប៉ុន្ដែ ទីប្រឹក្សារដ្ឋាភិបាលខ្លះទៀត និយាយថា មានរដ្ឋាភិបាលប្រទេសជាច្រើនបានផ្ដល់ហិរញ្ញប្បទានជួយដល់ក្រុមហ៊ុនអាកាសចរណ៍របស់ពួកគេនៅអំឡុងពេលកូវីដ-១៩នេះ ហើយរដ្ឋាភិបាលក៏គួរតែធ្វើដូចគ្នាដែរ។
នាយកប្រតិបត្តិក្រុមហ៊ុនអាកាសចរណ៍វៀតណាម បាននិយាយថា ក្រុមហ៊ុននេះ បានលើកយកបញ្ហានៃការផ្ដល់មូលនិធិជាមួយនឹងក្រុមហ៊ុនអាកាសចរណ៍ជប៉ុន ANA ដែលក្រុមហ៊ុននេះ មានកាន់កាប់ចំណែកភាគហ៊ុន៨,៦% នៅក្នុងក្រុមហ៊ុនអាកាសចរណ៍វៀតណាម។ ប៉ុន្ដែ តាំងពីក្រុមហ៊ុនអាកាសចរណ៍ជប៉ុននេះ កំពុងស្ថិតនៅក្នុងបញ្ហាដែរនោះ ក្រុមហ៊ុននេះ មិនអាចផ្ដល់កម្ចីដល់ក្រុមហ៊ុនអាកាសចរណ៍វៀតណាមបាននោះទេ។
នៅប្រទេសវៀតណាម វិស័យឧស្សាហកម្មអាកាសចរណ៍ គឺស្ថិតនៅក្នុងចំណោមវិស័យដែលរងផលប៉ះពាល់ខ្លាំងបំផុត ដោយសារតែបញ្ហារីករាលដាលនៃកូវីដ-១៩។ តួយ៉ាង នៅ៦ខែ ឆ្នាំ២០២០នេះ អាកាសចរណ៍នៅវៀតណាមទទួលបានអ្នកដំណើរប្រមាណ ១៤លាន ៦សែននាក់ ដោយមានការធ្លាក់ចុះ ៤៦% ធៀបនឹងរយៈពេលដូចគ្នាកាលពីឆ្នាំមុននេះ។ នេះបើតាមទិន្នន័យពីការិយាល័យស្ថិតិទូទៅវៀតណាម៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
