ការប៉ាន់ស្មានពីក្រុមអ្នកជំនាញនៅក្នុងឧស្សហកម្មវាយនភណ្ឌ កាត់ដេរបានបង្ហាញថា ក្រុមហ៊ុនផលិតស្បែកជើង ដែលមានកម្មករនិយោជិតធ្វើការប្រហែល ៩ ពាន់នាក់ ត្រូវការចំណាយទឹកប្រាក់ប្រហែល ១ លានដុល្លារ លើវិធានការបង្ការកូវីដ-១៩ ខណៈ ថ្លៃដើមវត្ថុធាតុដើមសម្រាប់ការផលិតបានកើនឡើងពី ៥ ទៅ ១០ ភាគរយឯណោះ។
មិនតែប៉ុណ្ណោះ ម្ចាស់អាជីវកម្មខ្លះបាននិយាយថា ពួកគេកំពុងប្រឈមនឹងការផាកពិន័យចំពោះការដឹកជញ្ជូនយឺត និងហានិភ័យនៃការបញ្ជាទិញនៅឆ្នាំក្រោយ។
អត្ថបទគួរអាន
បន្ថែមពីនេះ ដើម្បីស្តារផលិតកម្មនៃវិស័យនេះក្រសួងឧស្សាហកម្ម និងពាណិជ្ជកម្ម នឹងធ្វើការផ្តល់ការគាំទ្រតាមដែលអាចធ្វើទៅបាន ដើម្បីជួយឱ្យរោងចក្រដំណើរការឡើងវិញ និងទាញយកផលប្រយោជន៍ពីការបញ្ជាទិញនៅចុងឆ្នាំនៅទីផ្សារអឺរ៉ុប និងអាមេរិក។
លើសពីនេះ ក្រសួងនឹងបង្កើនការអនុវត្តយុទ្ធសាស្ត្រអភិវឌ្ឍន៍វិស័យវាយនភណ្ឌកាត់ដេរ និងស្បែកជើងដល់ឆ្នាំ ២០៣០ ជាមួយនឹងចក្ខុវិស័យដល់ឆ្នាំ ២០៣៥ និងការកសាងកម្មវិធីស្តីពីការអភិវឌ្ឍប្រកបដោយនិរន្តរភាពនៃវិស័យនេះ រហូតដល់ឆ្នាំ ២០៣០ ។
តែយ៉ាងណាមិញ ប្រធានសមាគមវាយនភណ្ឌកាត់ដេរវៀតណាម លោក វូ ឌុច គៀង បាននិយាយថាប្រសិនបើជំងឺរាតត្បាតកូវីដ ១៩ នៅតែបន្តរីករាលដាលរោងចក្រក្នុងវិស័យនេះ ពិតជាមិនអាចរក្សាស្ថិរភាពប្រតិបត្តិការ និងរក្សាអតិថិជនបាននោះទេ។
គួរកត់សម្គាល់ថា ការនាំចេញសម្លៀកបំពាក់របស់វៀតណាម សម្រេចបានក្នុងទំហំទឹកប្រាក់ជិត ១៩ ពាន់លានដុល្លារ ក្នុងរយៈពេល ៦ ខែដំបូងនៃឆ្នាំ ២០២១ កើនឡើងជាង ២០ ភាគរយ បើធៀបទៅនឹងរយៈពេលដូចគ្នាកាលពីឆ្នាំមុន៕© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
