ក្រសួងឧស្សាហកម្ម និងពាណិជ្ជកម្មវៀតណាម បានសម្រេចលើកលែងការកំណត់កូតានាំចូលស្ករ ប្រចាំឆ្នាំ ក្រោមការប្តេជ្ញាចិត្ត អនុវត្តតាម អង្គការពាណិជ្ជកម្មពិភពលោក WTO ដែលរក្សាទំនាក់ទំនងល្អប្រសើររវាង បណ្តាប្រទេសជាសមាជិក ដូចជា វៀតណាម និងប្រទេសផ្សេងទៀតក្នុងអាស៊ានជាដើម។
លើសពីនេះ ក្រសួងឧស្សាហកម្ម និងពាណិជ្ជកម្ម នឹងធ្វើការបន្ថែមជាមួយ ក្រសួងកសិកម្ម និងអភិវឌ្ឍន៍ជនបទ រួមជាមួយសមាគមស្ករវៀតណាម ដើម្បីសិក្សា និងពិចារណាឡើងវិញ ចំពោះការដាក់ចេញនូវ វិធានការគ្រប់គ្រងការនាំចូលនិងបច្ចេកទេស។
អត្ថបទទាក់ទង!
តាមពិតទៅ នៅក្រោមកិច្ចព្រមព្រៀងពាណិជ្ជកម្មទំនិញអាស៊ាន ATIGA គឺតម្រូវឲ្យ វៀតណាម លុបចោលនូវ កូតានាំចូលស្ករពីសមាជិកអាស៊ាន តាំងពីឆ្នាំ ២០១៨ មកម្ល៉េះ តែដោយសារតែ មានការស្នើសុំពី អ្នករកស៊ីក្នុងវិស័យស្ករនេះ ទើបរដ្ឋាភិបាលវៀតណាម ពន្យារពេល ២ឆ្នាំ ទុកពេលឲ្យ ភាគីពាក់ព័ន្ធ រកដំណោះស្រាយ ដើម្បីសម្របខ្លួនទៅតាមការផ្លាស់ប្តូរនេះ។
បើទោះបីជា មានការប្តេជ្ញាទៅតាម អង្គការអន្តរជាតិក៏ដោយ វៀតណាម នៅតែពង្រឹងលើ លក្ខខណ្ឌនាំចូលផ្សេង ដើម្បីធានាឲ្យបាននូវ ការប្រកួតប្រជែងក្នុងស្រុក ដោយយុត្តិធម៌ ចៀសវាងមាន គំហុកនៃការនាំចូលស្ករ អាចប៉ះពាល់ដល់ទីផ្សារក្នុងស្រុក៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
