ឧស្សហកម្មអាកាសចរណ៍​វៀតណាម​​នឹង​រង​ការ​ខាត​បង់​​៦៥០​លាន​ដុល្លារ​អាមេរិក​នៅ​ឆ្នាំ​២០២១​

នៅពីខែដំបូងនៅឆ្នាំ២០២១នេះ ការដឹកជញ្ជូនតាមផ្លូវការអាកាសក្នុងស្រុកវៀតណាមទទួលបានអ្នកដំណើរអន្តរជាតិជាង៦ម៉ឺននាក់ មានការធ្លាក់ចុះដល់ជិត៩៩% បើធៀបនឹងរយៈពេលដូចគ្នាកាលពីឆ្នាំមុន។ ខាងសមាគមអាជីវកម្មអាកាសចរណ៍វៀតណាម ក៏បានស្នើទៅកាន់រដ្ឋាភិបាលឲ្យមានការផ្ដល់ឥណទានអនុគ្រោះសម្រាប់អាជីវកម្មអាកាសចរណ៍ និងការបន្ធូបន្ធយផ្នែកពន្ធមួយចំនួនទៀតផងដែរ។

វិស័យឧស្សាហកម្មអាកាសចរណ៍វៀតណាម គឺស្ថិតនៅក្នុងចំណោមវិស័យដែលរងផលប៉ះពាល់ខ្លាំងបំផុតនៅឆ្នាំ២០២០ ដោយសារតែឥទ្ធិពលកូវីដ-១៩។ ជាក់ស្ដែង នៅឆ្នាំ២០២០ ចំនួនអ្នកដំណើរបានធ្លាក់ចុះ៤៣% មកនៅត្រឹម៦៦លាននាក់ ខណៈដែលការដឹកជញ្ជូនទំនិញវិញបានធ្លាក់ចុះ១៥% មកនៅត្រឹម១លាន៣សែនតោន។

បើតាមការព្យាករពីអ្នកជំនាញបានឲ្យដឹងថា វិស័យឧស្សហកម្មអាកាសចរណ៍វៀតណាមយ៉ាងហោចណាស់ត្រូវការពេលរហូតដល់ឆ្នាំ២០២៣ ទើបអាចវិលមករកស្ថានភាពធម្មតាដូចមុនពេលមានមេរោគរាតត្បាតវិញ៕