របាយការណ៍ធនាគារពិភពលោកបានប៉ាន់ប្រមាណថា នៅឆមាសទី២ នៅឆ្នាំនេះកំណើន GDP របស់វៀតណាមនឹងមានដល់ ៣,៥% ដែលវានឹងជំរុញឲ្យកំណើន GDP នៅឆ្នាំ២០២០របស់ប្រទេសនេះ នឹងរក្សាបាន២,៨% និងក្លាយជាប្រទេសមានសេដ្ឋកិច្ចលូតលាស់លឿនបំផុតទី៥ នៅក្នុងពិភពលោក តាមពីក្រោយក្រុមប្រទេសមួយចំនួនតូច នៃតំបន់អាហ្វ្រិក។
ធនាគារពិភពលោក គូសបញ្ជាក់ទៀតថា កំណើន GDP រៀតណាមអាចនឹងត្រឡប់មកប្រសើរឡើងវិញលឿន ដោយសារតែប្រទេសនេះ មានការគ្រប់គ្រងការរីករាលដាលដាលមេរោគឆ្លងបានល្អ។
អត្ថបទទាក់ទង!
ធនាគារពិភពលោកព្យាករទៀតថា សន្ទស្សន៍តម្លៃទំនិញវៀតណាមនឹងកើនឡើងដល់ ៣,៩% នៅឆ្នាំនេះ ពោលគឺកើនឡើងជិតទ្វេដងធៀបនឹងឆ្នាំមុន។ ឱនភាពសារពើពន្ធ នឹងកាន់តែយ៉ាប់យ៉ឺន ហើយបំណុលសាធារណៈរបស់ប្រទេសនេះ នឹងកើនឡើងពី ៥៤,១% កាលពីឆ្នាំ២០១៩ ទៅដល់៥៦,១% នៃផលិតផលក្នុងស្រុកសរុបសម្រាប់ឆ្នាំ២០២០នេះ។
ដោយឡែក នៅឆ្នាំ២០២១ ខាងមុខ ធនាគារពិភពលោកក៏បានព្យាករពីកំណើនGDP វៀតណាម ថានឹងកើនដល់ទៅ ៦,៨% ខណៈដែលឆ្នាំ២០២២ នឹងកើនដល់ ៦,៥%។
ទោះយ៉ាងណា កំណើន GDP វៀតណាមនៅឆ្នាំនេះ គឺបានធ្លាក់ចុះពី៧% កាលពីឆ្នាំ២០១៩ មកនៅត្រឹម០,៣៦% ប៉ុណ្ណោះ នៅក្នុងត្រីមាសទី២ នៃឆ្នាំ២០២០ ដែលវាជាអត្រាកំណើនមួយទាបបំផុតមិនធ្លាប់មានក្នុងរយៈពេល ៣៥ឆ្នាំមកនេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
