ឧស្សាហកម្មផលិតសព្វាវុធនៅអឺរ៉ុបខាងកើតកំពុងត្រូវប៉ាន់ខ្លាំង ក្រោយផ្ទុះសង្គ្រាមនៅអ៊ុយក្រែន
ព័ត៌មាន
•
ឧស្សាហកម្មសព្វាវុធរបស់ប្រទេសនៅអឺរ៉ុបខាងកើតកំពុងត្រូវប៉ាន់ និងបង្កើនផលិតកម្មកាំភ្លើង កាំភ្លើងធំ និងការផ្គត់ផ្គង់សម្ភារៈយោធាផ្សេងទៀតក្នុងល្បឿ…
ហេតុអ្វីសហភាពអឺរ៉ុបនឹងដើរតាមគោលនយោបាយដ៏តឹងរឹងបំផុតរបស់អាមេរិក ទៅលើប្រទេសចិន? ប្រធានកិច្ចការបរទេសរបស់សហភាពអឺរ៉ុប លោក Josep Borrell បានបង្ហាញពីទស្សនរបស់លោក អំពីការរក្សាគម្លាតរវាងប្លុកអឺរ៉ុប ជាមួយនឹងគោលនយោបាយរបស់អាមេរិកដែលមានការបិទខ្ទប់ការនាំចេញបន្ទះឈីបកម្រិតខ្ពស់ទៅកាន់ទីផ្សារចិនដែលគេមើលឃើញថា ជាវិធីសាស្ត្រមួយធ្វើឲ្យវិស័យបច្ចេកវិទ្យាកម្រិតខ្ពស់របស់ចិនចុះទន់ខ្សោយ ប៉ុន្ដែ គោលនយោបាយនេះក៏បង្កឲ្យមានការព្រួយបារម្ភក្នុងចំណោមអ្នកផលិតឈីបរបស់សហភាពអឺរ៉ុបផ្ទាល់ផងដែរ។
មន្ត្រីការទូតកំពូលរបស់អឺរ៉ុបរូបនេះ បាននិយាយថា «ច្បាស់ណាស់ សហរដ្ឋអាមេរិក គឺជាសម្ព័ន្ធមិត្តដ៏សំខាន់របស់សហភាពអឺរ៉ុប ប៉ុន្ដែ ក្នុងករណីខ្លះ សហភាពអឺរ៉ុប នឹងមិនអាចធ្វើដូចអាមេរិកបានទេ ចំពោះប្រទេសចិន ហើយការដែលទប់ស្កាត់ចិនក្នុងការទទួលបានការប្រើប្រាស់បច្ចេកវិទ្យា គឺជាការសម្រេចចិត្តមួយ ដែលត្រូវតែយកមកពិចារណាឲ្យបានល្អន់ល្អន់។ ការលើកឡើងរបស់ លោក ចូសេប បូរ៉េលយ៉ាងដូច្នេះ គឺចង់សម្ដៅថា ការដែលអឺរ៉ុបដើរតាម គោលនយោបាយរបស់អាមេរិកចំពោះប្រទេសចិន មិនមែនសុទ្ធតែត្រូវនោះទេ វាករណីខ្លះក៏អាចធ្វើឲ្យអឺរ៉ុបប្រឈមនឹងការខាតបង់ដែរ។
សុន្ទរកថារបស់លោក បូរេល បានបង្ហាញពីការស៊ីខ្សែគ្នាជាមួយមន្ត្រីអឺរ៉ុបម្នាក់ទៀត ដែលបានជំរុញឱ្យមានការប្រឆាំងនឹងកិច្ចខិតខំប្រឹងប្រែងរបស់អាមេរិក ក្នុងការមូលមាត់គ្នារារាំងចិនពីការទទួលបានការប្រើប្រាស់ឧបករណ៍ឈីបអេឡិចត្រូនិករបស់ប្រទេសលោកខាងលិច។ ក្នុងនោះ ក្រុមហ៊ុនហូឡង់ ASML គឺជាការផ្គត់ផ្គង់បន្ទះឈីបដ៏ធំមួយក្នុងចំណោមក្រុមហ៊ុនអឺរ៉ុបផ្សេងទៀតដែលជាអ្នកផលិតគ្រឿងឈីបអេឡិចត្រូនិចពិភពលោក។
មែនទែនទៅ ខណៈពេលដែលសហភាពអឺរ៉ុបបាននឹងកំពុង «ចូលរួមនៅក្នុងការប្រកួតប្រជែងជាប្រព័ន្ធ» ជាមួយប្រទេសចិននោះ ការថ្លែងឡើងរបស់លោក បូរេល ដែលជាមន្ត្រីជាន់ខ្ពស់របស់សភាអឺរ៉ុបបានឆ្លុះបញ្ចាំងពីពីការបន្ធូរបន្ថយពីជំហរដ៏តឹងរ៉ឹងរបស់ប្លុកមួយនេះជាមួយមហាយក្សចិន បន្ទាប់ពីមានកិច្ចប្រជុំជាហូរហែររវាងមេដឹកនាំនៃប្រទេសសមាជិកអឺរ៉ុបជាមួយលោក ស៊ី ជីនពីង ប្រធានាធិបតិចិននៅក្នុងកិច្ចប្រជុំ G២០ នៅកោះបាលីកាលពីពេលន្លងទៅ។
ក្នុងជំនួបនោះ មេដឹកនាំធំៗបានបញ្ជាក់ពីបំណងចង់រក្សាទំនាក់ទំនងពាណិជ្ជកម្មរវាងគ្នាឱ្យបានរឹងមាំឡើងវិញ បើទោះជាពួកគេបានប្តេជ្ញាថា នឹងអំពាវនាវឱ្យប្រទេសចិនគោរពសិទ្ធិមនុស្សតាមក៏ដោយ។ ប៉ុន្តែមេដឹកនាំនៃសហភាពអឺរ៉ុបត្រូវបានគេមើលឃើញថា មិនបានទទួលលទ្ធផលអ្វីនោះឡើយ។
លោក ចូសេប បូរេល បាននិយាយថា នៅពេលនិយាយអំពីប្រទេសចិនគឺមាន «គំរូអភិបាលកិច្ចខុសគ្នា និងចក្ខុវិស័យផ្សេងគ្នានៃពហុភាគីនិយម ដូច្នេះហើយសហភាពអឺរ៉ុបមិនត្រូវបញ្ឈប់ទំនាក់ទំនងជាមួយចិនលើរឿងនេះទេ»។ លោកបន្តថា «យើងមិនអាចគិតថា យើងអាចកសាងអនាគតដោយមិនគិតពីប្រទេសមួយដែលមានទំហំសេដ្ឋកិច្ចនិងនយោបាយដ៏ធំធេង និងដើរតួនាទីត្រឹមត្រូវនៅក្នុងពិភពលោកនេះបានទេ។ វាជាពិតដែលថា ប្រព័ន្ធនយោបាយរបស់យើង គឺសហភាពអឺរ៉ុប មិនដូចគ្នាជាមួយចិន។
ការលើកឡើងបែបនេះអំពីប្រទេសចិន គឺជាកំណត់សម្គាល់មួយ ផ្ទុយស្រឡះកាលពីខែមេសា នៅពេលដែលលោក ចូសេប បូរ៉េល បានថ្លែងទៅកាន់សភាអឺរ៉ុបដោយពណ៌នាកិច្ចប្រជុំកំពូលអឺរ៉ុប-ចិន នៅគ្រានោះថា ជា «ការសន្ទនារបស់មនុស្សថ្លង់» ក្រោយប្រទេសចិនមិនចាប់អារម្មណ៍ក្នុងការពិភាក្សាអំពីការឈ្លានពានរបស់រុស្ស៊ីលើអ៊ុយក្រែន។
ម្យ៉ាងវិញទៀត តាមការប្រៀបធៀប លោក បូរេល ចំពោះស្ថានការណ៍ចុងក្រោយនេះ បានគូសបញ្ជាក់ដែរថា «ទីក្រុងប៉េកាំងបានបង្ហាញពី «បន្ទាត់ក្រហមយ៉ាងច្បាស់លាស់» នៅក្នុងទំនាក់ទំនងរបស់ខ្លួនជាមួយរុស្ស៊ី។ លោកថា ប្រទេសចិនមិនទាន់បានថ្កោលទោសនៅឡើយនៃសង្រ្គាមរបស់រុស្ស៊ីនៅអ៊ុយក្រែនមែន តែទីក្រុងប៉េកាំងបានកំណត់បន្ទាត់ក្រហមយ៉ាងច្បាស់ពីការព្រួយបារម្ភកាន់តែខ្លាំងឡើងអំពីផលវិបាកជាសកលដោយសារសង្គ្រាម ហើយចិនប្រឆាំងដាច់ខាតក្នុងការប្រើប្រាស់អាវុធនុយក្លេអ៊ែររបស់រុស្ស៊ីផងដែរ៕
