លោក ម៉ូន ចេអ៊ីន បានបញ្ជាក់ទៀតថា ប្រទេសកូរ៉េខាងត្បូងនឹងធ្វើការងារជាមួយនឹងប្រទេសជប៉ុន ដើម្បីរៀបចំជំនួបនេះ ឲ្យបានជោគជ័យនៅអំឡុងព្រឹត្តិការណ៍អូឡាំពិក ដែលនឹងប្រារព្ធឡើងនៅ៥ខែក្រោយនេះ។
ការលើកឡើងពីគំនិតផ្ដួចផ្ដើមឲ្យមានជំនួបរវាងកំពូលមេដឹកនាំប្រទេសពីសំណាក់ប្រធានាធិបតីកូរ៉េខាងត្បូងនេះ គឺធ្វើឡើងនៅចំពេលដែលទំនាក់ទំនងរវាងប្រទេសកូរ៉េខាងជើង ជាមួយនឹងកូរ៉េខាងត្បូង និងជប៉ុនបាននិងកំពុងរំជើបរំជួលកាន់តែខ្លាំងឡើងជាថ្មីទៀត បន្ទាប់ពីកិច្ចចរចានុយក្លេអ៊ែរវាងកូរ៉េខាងជើង និងសហរដ្ឋអាមេរិកបានបែកបាក់កាលពីឆ្នាំ២០១៩។
លោក ម៉ូន ចេអ៊ីន បាននិយាយថា «ខ្ញុំសង្ឃឹមថា ប្រទេកូរ៉េទាំងពីរ និងប្រទេសជប៉ុន នឹងអាចដោះស្រាយបញ្ហាសេដ្ឋកិច្ចរបស់ពួកយើង ដែលត្រូវបានប៉ះពាល់ដោយសារតែកូវីដ-១៩ ហើយអាចរួមគ្នាបង្កើតនូវសណ្ដាប់ធ្នាប់ថ្មីក្នុងយុគ្គសម័យក្រោយកូវីដ-១៩។»
អត្ថបទទាក់ទង!
សូមបញ្ជាក់ថា កាលពីឆ្នាំ២០១៩ កំពូលមេដឹកនាំកូរ៉ខាងជើង លោក គីម ចុងអ៊ុន និងអតីតមេដឹកនាំអាមេរិក លោក ដូណាល់ត្រាំ បានជួបគ្នានៅតំបន់ព្រំដែននៃប្រទេសកូរ៉េទាំងពីរ ដោយកាលនោះ ពិភពលោកមានការចាប់អារម្មណ៍យ៉ាងខ្លាំង និងរំពឹងនឹងមានកិច្ចព្រមព្រៀងនុយក្លេអ៊ែ រវាងប្រទេសទាំងពីរ ដើម្បីឈានទៅបញ្ចប់ជម្លោះនៅឧបទ្វីបកូរ៉េ។ ប៉ុន្ដែ លុះក្រោយមកកិច្ចចរចានេះ ដូចជាមិនមានប្រសិទ្ធភាពអ្វីទេ ដោយទំនាស់ពាក្យសម្ដីរវាងមេដឹកនាំកូរ៉េខាងជើង និងអាមេរិកបានបន្ដកើតឡើងជាបន្ដបន្ទាប់ ហើយក៏មានការបង្អួតសាច់ដុំដាក់គ្នា ពិសេសការគំរាមកំហែងពីសំណាក់កូរ៉េខាងជើង មកលើកូរ៉េខាងត្បូងដែលមានអាមេរិកជាខ្នងបង្អែកផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
