ព្រះរាជាណាចក្រ​កម្ពុជា​ប្រារព្ធ​​ទិវា​បុណ្យ​ឯករាជ្យ​ជាតិ​លើក​ទី៦៤

នៅថ្ងៃ​ទី​៩ ខែ​វិច្ឆិកា ឆ្នាំ​២០១៧ ប្រជាជាតិ​កម្ពុជា​ប្រារព្ធ​ទិវា​រំឭក​ដល់​ការ​ទទួល​បាន​ឯករាជ្យ​ពេញ​លេញ​ពី​ក្រោម​​ការ​គ្រប់គ្រង​របស់​បារាំង កាល​ពី​​ ៦៤ឆ្នាំ​មុន។

នៅ​ព្រឹក​ថ្ងៃទី៩ វិច្ឆិកា គេ​ឃើញ​មាន​វត្តមាន​នាយករដ្ឋមន្ត្រី និង​មន្ត្រី​ថ្នាក់ដឹកនាំ​កំពូលៗ​នៃ​ព្រះរាជាណាចក្រ​កម្ពុជា អញ្ជើញ​ចូលរួម​ដង្ហែ​ព្រះករុណា​ព្រះបាទ សម្តេច​ព្រះ​បរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា យាង​ប្រទាន​ភ្លើង​ជ័យ​នៅ​ក្នុង​ខួប​លើក​ទី​៦៤ នៃ​ទិវា​បុណ្យ​ឯករាជ្យ​ជាតិ (៩ វិច្ឆិកា ១៩៥៣-៩ វិច្ឆិកា ២០១៧) នៅ​ឯ​វិមាន​ឯករាជ្យ កណ្ដាល​រាជ​ធានី​ភ្នំពេញ៕