ការងារជាន់ខ្ពស់?

កម្មករបោសជូតសម្អាតជញ្ជាំងកញ្ចក់នៃអគារ វឌ្ឍនៈ ដែលមានកម្ពស់ជិត ២០០ម៉ែត្រ ស្ថិតនៅតាមបណ្ដោយមហាវិថីព្រះមុនីវង្ស កណ្ដាលរាជធានីភ្នំពេញ។ ក្នុងរយៈពេល ១០ឆ្នាំចុងក្រោយនេះ វិស័យសំណង់និងអចលនទ្រព្យនៅកម្ពុជារីកលូតលាស់យ៉ាងគំហុក។ ជាក់ស្ដែង គិតចាប់តាំងពីឆ្នាំ២០០៥ ដល់ឆ្នាំ២០១៦ កម្ពុជាមានសំណង់អគារខ្ពស់ៗដែលមានកម្ពស់ចាប់ពី៥ជាន់ ដល់ ៥៥ជាន់ សរុបចំនួន ៦៨៥អគារ។ នេះបើយោងតាមរបាយការណ៍ពីក្រសួងរៀបចំដែនដី នគរូបនីយកម្ម និងសំណង់។