#ចក្រភពអង់គ្លេសគ្រោងធ្វើកូដកម្ម៨ថ្ងៃ

កម្មករជិត២ពាន់នាក់នៅកំពង់ផែកុងតឺន័រដ៏ធំបំផុតឈ្មោះ ហ្វីលិចស្ទូវ (Felixstowe) នៅចក្រភពអង់គ្លេសបានអះអាងថា ពួកគេនឹងធ្វើកូដកម្ម៨ថ្ងៃ រាប់ចាប់ពីថ្ងៃអាទិត្យ ទី២១ សីហាតទៅ ដើម្បីទាមទារការដំឡើងប្រាក់ឈ្នួល ដ្បិតថាការចំណាយក្នុងជីវភាពចេះតែកើនឡើង អំឡុងពេលមានអតិផរណាកើនឡើង។ ការធ្វើកូដកម្មនេះ ក៏បានធ្វើឱ្យក្រុមសហជីព និងក្រុមហ៊ុនដឹកជញ្ជូនមួយចំនួនបានព្រមានថា អាចនឹងប៉ះពាល់ដល់ពាណិជ្ជកម្ម និងខ្សែចង្វាក់ផ្គត់ផ្គង់យ៉ាងធ្ងន់ធ្ងរផងដែរ។ នេះបើតាមការផ្សាយរបស់ទីភ្នាក់ងាររ៉យទ័រ។