វ៉ាក់សាំងឥណ្ឌា Covaxin ត្រូវបាន WHO អនុម័តឲ្យប្រើប្រាស់បន្ទាន់
ដោយ
អង្គការសុខភាពពិភពលោក WHO បានសម្រេចទទួលស្គាល់ និង អនុញ្ញាឲ្យប្រើប្រាស់ក្នុងក្របខណ្ឌបន្ទាន់ នូវវ៉ាក់សាំងបង្ការកូវីដ១៩មួយប្រភេទទៀត ដែលផលិតក្នុងប្រទេសឥណ្ឌា មានឈ្មោះថា កូវ៉ាក់ស៊ីន (Covaxin)។ ការអនុម័តឲ្យប្រើប្រាស់វ៉ាក់សាំងថ្មីនេះ ត្រូវបានគេរំពឹងថា នឹងជួយជំរុញដល់ការចែកចាយវ៉ាក់សាំងបង្ការកូវីដ១៩ ឲ្យកាន់តែច្រើនដល់ប្រទេសក្រីក្រ ក្នុងនាមឥណ្ឌាជាដៃគូដ៏សំខាន់មួយរបស់យន្តការ Covax នៃអង្គការសុខភាពពិភពលោក ទទួលបន្ទុកបែងចែកវ៉ាក់សាំងដោយស្មើភាព។ នេះបើតាមការចុះផ្សាយដោយទីភ្នាក់ងារសារព័ត៌មានបារាំង AFP។