#ទិដ្ឋាការ

ទោះជាប្រទេសថៃមិនទាន់សង្ឃឹមខ្លាំងពេកចំពោះលំហូរទេសចរបរទេសតាមការរំពឹងទុកក៏ពិតមែន ក៏ប៉ុន្តែថៃកំពុងមើលឃើញពីការដាក់ពាក្យសុំទិដ្ឋាការហូរចូលយ៉ាងសន្សឹមៗសម្រាប់កម្មវិធីទិដ្ឋាការថ្មីរបស់ខ្លួន ដែលផ្តោតលើជនបរទេសមានទ្រព្យសម្បត្តិស្ដុកស្ដម្ភ។ ក្នុងនោះពលរដ្ឋអាមេរិក និងចិនស្ថិតនៅលើកំពូលតារាងនៃបញ្ជីឈ្មោះអ្នកស្នើសុំទិដ្ឋាការនេះ។ ប្រការនេះ បានធ្វើឱ្យមន្ត្រីថៃចាត់ទុកថា វាជាសញ្ញាមួយនឹងជំរុញឱ្យមានភ្ញៀវទេសចរបរទេសដាក់សុំទិដ្ឋាការប្រភេទនេះបន្ថែមក្នុងពេលខាងមុខ។ នេះបើតាមការចេញផ្សាយរបស់កាសែតបាងកកប៉ុស្តិ៍។