គណៈកម្មការមូលបត្រកម្ពុជា រំពឹងទំហំនៃការជួញដូរឧបករណ៍និស្សន្ទកើនឡើងដល់ ២០០ លានដុល្លារ នៅឆ្នាំនេះ
ដោយ
បើទោះបីជាការវិនិយោគលើឧបករណ៍និស្សន្ទ ឬគេហៅថា Forex ដែលជា ការជួញដូរលើគម្លាតថ្លៃ ដូចជាហាងឆេងរូបិយវត្ថុ មាស ប្រេងឆៅ ត្រូវបានអាជ្ញាធរជានិយ័តករចាត់ទុកថា គឺជាការវិនិយោគមានហានិភ័យខ្ពស់ជាងការវិនិយោគលើផ្សារហ៊ុន ឬសញ្ញាបណ្ណក៏ដោយ ប៉ុន្ដែ ការជួញដូរឧបករណ៍និស្សន្ទនៅកម្ពុជា ហាក់នៅតែមានសន្ទុះងើបឡើងគួរឲ្យកត់សម្គាល់។ ជាក់ស្ដែងនៅឆ្នាំ២០២០នេះ គណៈកម្មការមូលបត្រកម្ពុជា រំពឹងថា ទំហំនៃការជួញដូរឧបករណ៍និស្សន្ទនេះ អាចនឹងហក់កើនឡើងដល់ ២០០ លានដុល្លារអាមេរិក កើនឡើងពី ១២០ លានដុល្លារអាមេរិក កាលពីឆ្នាំ២០១៩។