#គ្រាប់ស្វាយចន្ទី

គ្រាប់ស្វាយចន្ទីសើមនៅកម្ពុជាបានចាប់ផ្ដើមឡើងថ្លៃជាបណ្តើរៗវិញហើយនៅក្នុងខែមេសា នេះ បន្ទាប់ពីបានធ្លាក់ចុះខ្លាំងជាបន្តបន្ទាប់នៅប៉ុន្មានខែកន្លងមកនេះ។ ការហក់ឡើងថ្លៃគ្រាប់ស្វាយចន្ទីសើមនៅពេលនេះត្រូវបានប្រធានសមាគមស្វាយចន្ទីកម្ពុជាអះអាងថា គឺបានកើតឡើងក្រោយប្រជាកសិករនាំគ្នាហាលគ្រាប់ស្វាយចន្ទីស្តុកទុក។ បច្ចុប្បន្នតម្លៃគ្រាប់ស្វាយចន្ទីសើមអាចលក់បានក្នុងតម្លៃ៥ពាន់រៀលក្នុងមួយគីឡូក្រាម ដែលជាតម្លៃមួយខ្ពស់មិនធ្លាប់មានក្នុងរយៈពេល១៥ឆ្នាំកន្លងមកនេះ។