#ការប្រែប្រួលអាកាសធាតុ

ប្រទេសកម្ពុជា ប្រឈមនឹងភាពងាយរងគ្រោះខ្ពស់ នៃការប្រែប្រួលអាកាសធាតុដោយសារទីតាំងភូមិសាស្ត្រ អភិបាលកិច្ចខ្សោយ និងការពឹងផ្អែកខ្លាំងទៅលើសកម្មភាព ដែលងាយបង្កផលប៉ះពាល់ចំពោះបរិស្ថាន។ តួយ៉ាង តាមរបាយការណ៍របស់ធនាគារអភិវឌ្ឍន៍អាស៊ី (ADB) បានបង្ហាញថា ការប្រែប្រួលអាកាសធាតុ អាចមានផលរំខានគួរឱ្យកត់សម្គាល់ដល់សក្តានុពលកំណើនសេដ្ឋកិច្ច រយៈពេលវែងរបស់កម្ពុជា ខណៈកម្ពុជាមានមហិច្ឆតាក្លាយទៅជាប្រទេសមានប្រាក់ចំណូលមធ្យមកម្រិតខ្ពស់ នៅត្រឹមឆ្នាំ២០៣០ និងប្រទេសមានប្រាក់ចំណូលខ្ពស់នៅត្រឹមឆ្នាំ២០៥០។