#ការវាយប្រហារតាមផ្លូវអាកាស

សហរដ្ឋអាម៉េរិក បានបើកការវាយប្រហារតាមផ្លូវអាកាសក្នុងប្រទេសអ៊ីរ៉ាក់ និងស៊ីរី លើ៨៥គោលដៅដែលមានទំនាក់ទំនងជាមួយកងឆ្មាំបដិវត្តន៍អ៊ីរ៉ង់ (IRGC) និងកងជីវពលគាំទ្រដោយកងឆ្មាំបដិវត្តន៍អ៊ីរ៉ង់ (IRGC)។ ការវាយប្រហារតាមផ្លូវអាកាសរបស់កងកម្លាំងអាម៉េរិកនេះបានបណ្ដាលឱ្យមនុស្សបាត់បង់ជីវិតជិត៤០នាក់ ហើយការវាយប្រហារនេះជាការសងសឹកចំពោះការវាយប្រហារដ៏សាហាវមួយទៅលើកងទ័ពអាម៉េរិក កាលពីចុងខែមករា កន្លងទៅ។ នេះបើយោងតាមការចុះផ្សាយរបស់សារព័ត៌មានធំៗជាច្រើន។