ចិនបើកធ្វើសមយុទ្ធជុំវិញកោះតៃវ៉ាន់ជាថ្មី ដើម្បីឆ្លើយតបនឹងដំណើរចុះចតរបស់មន្ត្រីកំពូលរបស់កោះនេះ នៅសហរដ្ឋអាមេរិក
ដោយ
ដូចអ្វីដែលមន្ត្រីតៃវ៉ាន់ទាយទុកមិនខុស ប្រទេសចិនកាលពីថ្ងៃសៅរិ៍ ទី១៩ សីហា បានចាប់ផ្តើមធ្វើសមយុទ្ធយោធានៅជុំវិញកោះតៃវ៉ាន់ ដែលខ្លួនថា «ជាការព្រមានដល់កម្លាំងបំបែកខ្លួន» តៃវ៉ាន់ និងដើម្បីឆ្លើយតបនឹងដំណើរចុះសំចតនៅលើទឹកដីសហរដ្ឋអាមេរិក របស់លោក William Lai អនុប្រធានាធិបតីតៃវ៉ាន់ និងជាបេក្ខភាពប្រធានាធិបតីសម្រាប់ការបោះឆ្នោតនាឆ្នាំ២០២៤ខាងមុខ។ តៃវ៉ាន់បានចេញមុខថ្កោលទោសសមយុទ្ធនេះ ខណៈសហរដ្ឋអាមេរិកអំពាវនាវឱ្យទីក្រុងប៉េកាំងបញ្ឈប់សមយុទ្ធនេះ។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។