នាវាដឹកអ្នកដំណើរ ក្នុងរាជធានីភ្នំពេញ លែងសូវមានអ្នកចាប់អារម្មណ៍ដូចគ្រាមុន
ដោយ
ចាប់តាំងពីបើកដំណើរការនាវាដឹកជញ្ជូនអ្នកដំណើរតាមផ្លូវទឹក កាលពីដើមខែមេសា ឆ្នាំ២០១៨ កន្លងទៅ រហូតមកទល់ពេលនេះ គឺមានរយៈពេល ១ឆ្នាំហើយ។ ប៉ុន្ដែ នារយៈចុងក្រោយនេះ មធ្យោបាយធ្វើដំណើរមួយនេះ ហាក់មិនសូវមានការចាប់អារម្មណ៍ ធ្វើដំណើរច្រើននោះឡើយ ពោលគឺចាប់អារម្មណ៍តែគ្រាបើកដំបូងប៉ុណ្ណោះ។ នាពេលថ្មីៗនេះ ក្រុមការងារសារព័ត៌មាន អេឡិចត្រូនិក ខេមបូណូមីស បានចុះអង្កេតផ្ទាល់ ឃើញថា មធ្យោបាយមួយនេះ ពិតជាមានអ្នកដំណើរកាន់តែតិចទៅៗ ទោះបីជា មិនគិតថ្លៃក៏ដោយ ហើយមានពេលខ្លះដល់ម៉ោងត្រូវចេញដំណើរទាំងគ្មានមនុស្សជិះសោះក៏មានដែរ។