#ណាតូនៅអាស៊ី

រដ្ឋមន្ត្រីការពារជាតិចិនបានថ្លែងកាលពីថ្ងៃអាទិត្យ ទី ៤ មិថុនាថា ប្រទេសចិនប្រឆាំងដាច់ខាតទៅនឹងការចង់បង្កើតដោយប្រទេសណាមួយនូវ«សម្ព័ន្ធយោធាអាស៊ីប៉ាស៊ីហ្វិក»ស្រដៀងណាតូនៅអឺរ៉ុប ដោយលោកថា ការធ្វើបែបនោះនឹងនាំទៅរកជម្លោះប្រៀបដូច«ទឹកកួច»។ ការលើកឡើងរបស់ប្រមុខការពារជាតិចិននេះត្រូវបានគេម៉ៃថាចង់សំដៅទៅសហរដ្ឋអាមេរិកដែលបាននិងកំពុងបង្កើនវត្ថមានយោធារបស់ខ្លួននៅទូទាំងតំបន់នេះក្នុងគោលបំណងហ៊ុំព័ទ្ធមហាយក្សចិន។ នេះបើតាមការចុះផ្សាយដោយសារព័ត៌មានរ៉យទ័រ។