#បេឡារុស្សមានសិទ្ធិវេតូលើការប្រើប្រាស់អាវុធនុយក្លេអ៊ែររបស់រុស្ស៊ី

ប្រធានាធិបតីបេឡារុស្ស លោក Alexander Lukashenko បាននិយាយកាលពីថ្ងៃព្រហស្បតិ៍ថា លោកនឹងមានសិទ្ធិវេតូលើការប្រើប្រាស់អាវុធនុយក្លេអ៊ែរយុទ្ធសាស្ត្រណាមួយ ដែលរុស្ស៊ីកំពុងដំឡើងនៅលើទឹកដីរបស់គាត់។ សហព័ន្ធអ្នកវិទ្យាសាស្ត្រអាមេរិកបាននិយាយនៅក្នុងរបាយការណ៍ស្រាវជ្រាវមួយកាលពីខែមុនថា ខ្លួនមិនទាន់រកឃើញភស្តុតាងជាក់ស្ដែងដែលបញ្ជាក់ច្បាស់លាស់អំពីវត្តមាននៃទីតាំងអាវុធនុយក្លេអ៊ែរយុទ្ធសាស្ត្ររបស់រុស្សីនៅលើទឹកដីនៃប្រទេសបេឡារុស្សទេ។ នេះបើយោងតាមទីភ្នាក់ងារសារព័ត៌មានរើយធើ។