#ប្រព័ន្ធ​អ៊ិ​ន​ធរ​ណេ​ត

គម្រោងបើកទទួលភ្ញៀវទេសចរអន្តរជាតិរបស់កោះភូកេតរបស់ថៃកំពុងរងសម្ពាធកាន់តែខ្លាំងឡើងហើយ ក្រោយពេលដែលមានរកឃើញភ្ញៀវទេសចរអន្តរជាតិបានឆ្លងកូវីដ-១៩ជាបន្ដបន្ទាប់។ ទើបតែបើកសាកល្បងបាន២សប្តាហ៍ ថ្មីៗនេះ ក៏បានរឃើញភ្ញៀវទេសចរបរទេសនៅលើកោះនេះ មានករណីឆ្លងកូវីដ-១៩ប្រភេទ ឌែលតាផងដែរ។ ប្រការនេះ បានតម្រូវឲ្យខេត្តនេះបានសម្រេចចិត្តបិទសាលារៀនទាំងអស់រហូតដល់ថ្ងៃទី ២៣ ខែកក្កដាបន្ទាប់ពីមានករណីឆ្លងមានការីករាលដាលកាន់តែខ្លាំង។ នេះបើតាមការចុះផ្សាយរបស់សារព័ត៌មានបាងកកប៉ុស្ដ៍។