#អ៊ិន ចាន់នី

និន្នាការចាយវាយដោយមិនប្រើប្រាស់ក្រដាសប្រាក់ ឬហៅថា Cashless ត្រូវបានគេមើលឃើញថា គឺជាផ្នែកមួយ នៃការវិវឌ្ឍទៅរកសេដ្ឋកិច្ចឌីជីថល ដែលបច្ចុប្បន្ន វិស័យនេះ ត្រូវបានរាជរដ្ឋាភិបាលកម្ពុជា បាននិងកំពុងការជំរុញយកចិត្តទុកដាក់យ៉ាងខ្លាំង។ បើតាមអ្នកជំនាញ​ហិរញ្ញវត្ថុ​ជាច្រើនទសវត្សរ៍នៅកម្ពុជា បានលើកឡើងថា នៅ៥ឆ្នាំខាងមុខទៀតនេះ យើងទាំងអស់គ្នានឹងបានឃើញនូវបដិវត្តថ្មីនៃការចាយវាយរបស់ប្រជាពលរដ្ឋ នឹងពុះកញ្ជ្រោលខ្លាំងឡើង ពោលគឺ នឹងមានការផ្លាស់ប្តូរពីការចាយវាយដោយប្រើប្រាស់ក្រដាសប្រាក់ មកចាយវាយតាមបែបឌីជីថលជំនួសវិញ។