#អ្នកចិញ្ចឹមគោ

ទីផ្សារគោរស់នៅកម្ពុជា មិនទាន់មានភាពល្អប្រសើរនៅឡើយទេ ពោលគឺនៅតែបន្តជួបប្រឈមបញ្ហាធ្លាក់ថ្លៃ និងពិបាកលក់ចេញ។ តែយ៉ាងណាបើយើងក្រឡេកទៅមើលសាច់គោដាក់លក់នៅលើទីផ្សារនៅតែស្ថិតក្នុងតម្លៃខ្ពស់ដដែល។ កត្តានេះកំពុងធ្វើឱ្យអ្នកចិញ្ចឹមសត្វគោមួយចំនួនចាប់ផ្ដើមបោះបង់ចោលការចិញ្ចឹមជាបណ្តើរៗ ដោយសារមិនទទួលបានប្រាក់ចំណេញ និងខាតពេលវេលា។ បច្ចុប្បន្នគោរស់ត្រូវបានគេទិញចូលក្នុងតម្លៃជាមធ្យម៦,០០០រៀល ក្នុង១គីឡូក្រាម ដែលតម្លៃនេះត្រូវបានអ្នកចិញ្ចឹមអះអាងថា ពុំអាចផ្តល់ប្រាក់ចំណេញដល់ពួកគេនោះទេ។