គម្រោងនិងទំហំវិនិយោគនៅកម្ពុជា នៅ៥ខែនេះបានធ្លាក់ចុះ ប៉ុន្ដែអ្នកជំនាញថា ស្ថានភាពវិនិយោគនៅតែល្អប្រសើរ
ដោយ
នៅរយៈពេល ៥ខែឆ្នាំ២០២៣ ក្រុមប្រឹក្សាអភិវឌ្ឍន៍កម្ពុជា(CDC) បានអនុម័តគម្រោងវិនិយោគថ្មី និងគម្រោងពង្រីកផលិតកម្មសរុបចំនួន ៧៥គម្រោង ដែលមានទំហំវិនិយោគសរុបជាង ៦៤៨លានដុល្លារអាមេរិក។ បើធៀបនឹងរយៈពេលដូចគ្នាកាលពីឆ្នាំ២០២២ ចំនួនគម្រោងវិនិយោគបានថយចុះចំនួន ៥គម្រោង ខណៈទុនវិនិយោគវិញបានធ្លាក់ចុះរហូតប្រមាណជាង ២ពាន់លានដុល្លារ ឯណោះ។ នេះបើយោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា។